ઔડાના ગેરતપુરની, ગાંધીનગરના કોલવડાની ટીપી સ્કીમ મંજૂર થઈ

મુખ્યમંત્રી ભૂપેન્દ્ર પટેલે અમદાવાદ સહિત પાંચ મહાનગરોની કુલ પાંચ ટાઉન પ્લાનિંગ સ્કીમને મંજૂરી આપી છે, જે પૈકી ઔડાની પ્રિલિમનરી સ્કીમ નં-128 ગેરતપુર અને ગાંધીનગર મહાનગરપાલિકાની પ્રિલિમનરી ટીપી સ્કીમ નં-15 કોલવડા સમાવિષ્ટ છે.

ઔડાના ગેરતપુર વિસ્તારની પ્રિલિમનરી ટીપી સ્કીમ નં-128માં કુલ જમીનનું ક્ષેત્રફળ 5.78 હેક્ટર છે, જે પૈકી 1.92 હેક્ટર જમીનનું તંત્ર દ્વારા વેચાણ થશે. આ ટીપી ઉપર આર્થિક રીતે નબળા વર્ગના લોકો માટે 1,200 આવાસો બનશે. જ્યારે ગાંધીનગર મહાનગરપાલિકાના કોલવડાની પ્રિલિમનરી સ્કીમ નં-15 ઉપર કુલ 18.11 હેક્ટર જમીન છે, જે પૈકી 6.50 હેક્ટરનું મહાનગરપાલિકા દ્વારા વેચાણ થશે. આ ટીપી ઉપર આર્થિક રીતે નબળા વર્ગના લોકો માટે 1,500 જેટલા આવાસો બનશે.

આ સાથે જામનગર મ્યુનિસિપલ કોર્પોરેશનની ડ્રાફ્ટ ટીપી સ્કીમ નં-23, રાજકોટ મ્યુનિસિપલ કોર્પોરેશનના હૈયા વિસ્તારની ડ્રાફ્ટ ટીપી સ્કીમ નં-33 તથા ભાવનગર શહેરી વિસ્તાર સત્તામંડળના વરતેજ વિસ્તારની પ્રિલિમનરી ટીપી સ્કીમ નં-4 પણ મંજૂર કરાઇ છે. જામનગરની ટીપી નં-23 કુલ 26.78 હેક્ટર જમીન ધરાવે છે, જે પૈકી 12.14 હેક્ટર જમીન તંત્ર દ્વારા વેચાશે. રાજકોટની ટીપી નં-33 કુલ 39.49 હેક્ટર જમીન ધરાવે છે.

ટીમ બિલ્ટ ઈન્ડિયા, સૌજન્ય- સંદેશ.