અમદાવાદ સાયન્સ સિટીના વિસ્તરણ અંગે અમિત શાહ સાથે ગુજરાતના મંત્રીની ચર્ચા

નવી દિલ્હી: ગુજરાતના વિજ્ઞાન અને ટેક્નોલોજી મંત્રી અર્જુન મોઢવાડિયાએ કેન્દ્રીય ગૃહ અને સહકાર મંત્રી અમિત શાહ સાથે મુલાકાત કરી હતી. બેઠકમાં અમદાવાદ સાયન્સ સિટીના વિસ્તરણ, નવા પ્રોજેક્ટ્સ અને આધુનિક સુવિધાઓ અંગે મહત્વપૂર્ણ ચર્ચા કરવામાં આવી.

સાયન્સ સિટીમાં યુવાનોને વિજ્ઞાન અને ટેક્નોલોજીનો વધુ સારો અનુભવ મળે તે માટે નવી સુવિધાઓ વિકસાવવા તેમજ AI, સેમિકન્ડક્ટર, સાયબર સિક્યુરિટી અને સ્માર્ટ ઇન્ફ્રાસ્ટ્રક્ચર જેવા ક્ષેત્રોને પ્રોત્સાહન આપવા અંગે પણ ચર્ચા થઈ.

ગુજરાતને વિજ્ઞાન, નવીનતા અને ટેક્નોલોજીના અગ્રણી કેન્દ્ર તરીકે વિકસાવવાની દિશામાં સાયન્સ સિટીની ભૂમિકા વધુ મજબૂત બનાવવાનો પ્રયાસ કરવામાં આવી રહ્યો છે.

ટીમ બિલ્ટ ઇન્ડિયા