GovernmentInfrastructureNEWSPROJECTS

AMCના 2027-28ના બજેટ માટે નાગરિકો તરફથી 2,007 સૂચનો મળ્યાં

અમદાવાદ: Built India Media: અમદાવાદ મ્યુનિસિપલ કોર્પોરેશન (AMC)ને વર્ષ 2027-28ના બજેટ માટે નાગરિકો તરફથી કુલ 2,007 સૂચનો મળ્યાં છે. જેમાં રસ્તા, ડ્રેનેજ અને વરસાદી પાણીના નિકાલની સમસ્યાઓ સૌથી વધુ સામે આવી છે. કુલ સૂચનોમાંથી 495 ઈ-મેઇલ મારફતે મળ્યાં હતાં.

AMCના આંકડા મુજબ, 1,074 સૂચનો રસ્તા, પાણી પુરવઠા અને ડ્રેનેજ જેવી ફરજિયાત નાગરિક સેવાઓને લગતા છે, જ્યારે 933 સૂચનો 32 વિભાગોની અન્ય સેવાઓ અંગે છે. ખાસ કરીને રસ્તા, ડ્રેનેજ અને વરસાદી પાણીના નિકાલ માટે 536 તથા સ્ટ્રીટલાઇટ માટે 159 સૂચનો મળ્યાં છે.

ઝોન પ્રમાણે દક્ષિણ-પશ્ચિમ ઝોનમાંથી સૌથી વધુ 713 સૂચનો મળ્યાં છે. ત્યારબાદ દક્ષિણ ઝોનમાંથી 419 અને પૂર્વ ઝોનમાંથી 283 સૂચનો મળ્યાં છે. શહેરના ચાર પૂર્વ ઝોનમાંથી કુલ 1,238 અને ત્રણ પશ્ચિમ ઝોનમાંથી 769 સૂચનો મળ્યાં છે.

સ્ટેન્ડિંગ કમિટીના ચેરમેન કમલેશ પટેલે જણાવ્યું હતું કે તમામ સૂચનોનો અભ્યાસ કરીને શક્ય તેટલા સૂચનોનો આગામી બજેટમાં સમાવેશ કરવાનો પ્રયાસ કરાશે. ઉપરાંત, શહેરના કોમ્યુનિટી હોલમાં સફાઈ, લાઇટ અને પંખા સહિતની સુવિધાઓ સુધારવા મેનેજરોની નિમણૂક કરવામાં આવી છે અને એક સપ્તાહમાં ખામીઓની વિગતો રજૂ કરવા સૂચના અપાઈ છે.

ટીમ બિલ્ટ ઈન્ડિયા

Show More

Related Articles

Back to top button
Close