વિસાવદર બાયપાસ રોડના પ્રથમ તબક્કા માટે ગુજરાત સરકારે ₹20 કરોડ મંજૂર કર્યા

જૂનાગઢ: Built India Media: વિસાવદર શહેરને બાયપાસ રોડથી જોડવા માટે પ્રી-કન્સ્ટ્રક્શન કામગીરીના પ્રથમ તબક્કા માટે મુખ્યમંત્રી ભૂપેન્દ્ર પટેલે ₹20 કરોડ મંજૂર કર્યા છે. બાયપાસ બગસરા-જેતપુર સ્ટેટ હાઈવેને વિસાવદર-સતાધાર-સાસણ ગીર સ્ટેટ હાઈવે સાથે જોડશે, જેના કારણે શહેરમાંથી પસાર થતા ભારે વાહનોનો ટ્રાફિક ઘટશે.

મંજૂર રકમનો ઉપયોગ જમીન સંપાદન, યુટિલિટી શિફ્ટિંગ, DPR તૈયાર કરવા સહિતની પ્રી-કન્સ્ટ્રક્શન કામગીરી માટે કરવામાં આવશે. બાયપાસથી વિસાવદર શહેરમાં ટ્રાફિકનું ભારણ ઘટવા સાથે વિસ્તારની કનેક્ટિવિટી વધુ મજબૂત બનવાની અપેક્ષા છે.

ટીમ બિલ્ટ ઈન્ડિયા | સૌજન્ય: ગુજરાત સરકાર