AMC હવે વિકાસ કામોની લેશે સરપ્રાઇઝ તપાસ, ખામી મળતા તાત્કાલિક કાર્યવાહી

અમદાવાદ: શહેરમાં AMC દ્વારા હાથ ધરવામાં આવતા રોડ, બ્રિજ, ડ્રેનેજ, સ્ટોર્મ વોટર, બિલ્ડિંગ અને અન્ય સિવિલ વિકાસ કામોની ગુણવત્તા ચકાસવા માટે હવે અચાનક ગુણવત્તા ઓડિટ કરવામાં આવશે. મ્યુનિસિપલ કમિશનરે આ અંગે નવી માર્ગદર્શિકા જાહેર કરી છે.

ચીફ એન્જિનિયરોની દેખરેખ હેઠળની ટીમો દ્વારા વિકાસ કામોની સાઇટ પર જઈને કાચા માલની ગુણવત્તા, ટેક્નિકલ સ્પેસિફિકેશન, મંજૂર ડિઝાઇન, લેબોરેટરી ટેસ્ટ અને કામની કામગીરીની તપાસ કરવામાં આવશે..

જો કામમાં ગુણવત્તાની ખામી અથવા મંજૂર માપદંડથી વિપરીત કામગીરી જણાશે તો સંબંધિત અધિકારીને તાત્કાલિક જાણ કરી સાત દિવસમાં ખામી દૂર કરવી પડશે

AMC દ્વારા સ્પષ્ટ કરવામાં આવ્યું છે કે ગુણવત્તા તપાસના તમામ રિપોર્ટ સંતોષકારક થયા બાદ અને નોંધાયેલી ખામીઓ દૂર થયાની ખાતરી થયા પછી જ કામના બિલની ચુકવણી માટે પ્રક્રિયા આગળ વધારવામાં આવશે.

ટીમ બિલ્ટ ઇન્ડિયા  , સૌજન્ય: ટાઈમ્સ ઓફ ઇન્ડિયા