હવે રેસિડેન્શિયલ-કોમર્શિયલ બિલ્ડિંગના ભાગ કે ફૂટપાથ પર વાહન પાર્ક કરતાં પહેલાં સાવધાન ! AMC
અમદાવાદના કોમર્શિયલ વિસ્તારોમાં કોઈપણ સાંજે તમે જોશો તો, લોકો પોતાની કારને પાર્ક કરવા ફૂટપાથ પર ચઢાવી દે છે. તો, ટુ વ્હીલર વળાંકવાળા રસ્તાઓને અવરોધે છે. આ સ્થિતિમાં રહેવાસીઓ અને સોસાયટીના રહીશોને પરેશાની થાય છે. આ પરેશાનીને દૂર કરવા હવે, અમદાવાદ મ્યુનિસિપલ કોર્પોરેશન (AMC)એ કડક પગલાં લેતાં સંકેત આપ્યો છે કે આ દૈનિક ગેરવ્યવસ્થા હવે સહન કરવામાં આવશે નહીં.
કોર્પોરેશને કડક માર્ગદર્શિકા જાહેર કરી છે, જેમાં પાર્કિંગની જવાબદારી સંપૂર્ણપણે મિલકતધારકો પર મુકવામાં આવી છે. નોટિફિકેશનમાં જણાવાયું છે કે, “આ નવા નિયમોનું પાલન ન થાય તો હાલનાComprehensive General Development Control Regulations-2017 મુજબ બિલ્ડિંગના ઉપયોગ માટે ની પરવાનગી સસ્પેન્ડ અથવા રદ કરવામાં આવી શકે છે.”
નવા નિયમો મુજબ, નીચે મુજબના નિયમોનું પાલન ફરજિયાતપણે કરવું પડશે.
- હવે મિલકતધારકો માટે ફરજિયાત છે કે રહેવાસીઓ અથવા મુલાકાતીઓના તમામ વાહનો બિલ્ડિંગના પરિસરમાં જ યોગ્ય રીતે પાર્ક થાય તેની ખાતરી કરે.
- દરેક બિલ્ડિંગમાં પાર્કિંગનું સંચાલન કરવા માટે એક નિશ્ચિત વ્યક્તિની નિમણૂક કરવી પડશે, જે બહાર રસ્તાઓ પર ગેરકાયદેસર પાર્કિંગને રોકે.
- પાર્કિંગને સરળ બનાવવા માટે, બિલ્ડિંગમાં સ્પષ્ટ દિશાસૂચક બોર્ડ (signage) લગાવવા ફરજિયાત રહેશે, જેમાં ઉપલબ્ધ પાર્કિંગ જગ્યા દર્શાવવામાં આવશે. સાથે, પાર્કિંગ સ્થળો સ્પષ્ટ રીતે માર્ક કરેલા હોવા જોઈએ.
- AMCએ મ્યુનિસિપલ રસ્તાઓ, ફૂટપાથ અથવા બિલ્ડિંગની બહારની કોઈપણ જાહેર જગ્યામાં પાર્કિંગ પર સંપૂર્ણ પ્રતિબંધ મૂક્યો છે.
- નોટિફિકેશનમાં અતિક્રમણ અંગે પણ કડક વલણ અપનાવવામાં આવ્યું છે.
- બિલ્ડિંગના આગળના ભાગમાં માલસામાન અથવા કોઈપણ પ્રકારના અવરોધ મુકવા પર પ્રતિબંધ મૂકવામાં આવ્યો છે. રસ્તા તરફના વિસ્તારોમાં અથવા ખુલ્લી જગ્યામાં પાર્કિંગમાં અવરોધ ઉભો કરતા પ્લેટફોર્મ, લેન્ડસ્કેપિંગ અથવા બેરિયર્સને તરત જ દૂર કરવાની ફરજ રહેશે.
- જવાબદારી નિશ્ચિત કરવા માટે એક મહત્વપૂર્ણ પગલા તરીકે, મિલકતધારકોને હવે દર વર્ષે ઝોનલ કચેરીમાં self-declaration સર્ટિફિકેટ આપવું પડશે, જેમાં તેઓ ખાતરી આપશે કે તેમના પાર્કિંગ વિસ્તારોમાં કોઈપણ પ્રકારનું અતિક્રમણ નથી.
- AMC ભવિષ્યમાં આ સર્ટિફિકેટ માટે ઑનલાઇન સુવિધા પણ શરૂ કરવાની યોજના બનાવી રહી છે.
- પાર્કિંગ જગ્યા વધુ અસરકારક રીતે ઉપયોગમાં લેવાય તે માટે, AMC બિલ્ડિંગોને તેમની વધારાની પાર્કિંગ ક્ષમતા મુલાકાતીઓ સાથે શેર કરવા પ્રોત્સાહિત કરી રહી છે.
- બિલ્ડિંગના ચેરમેન અથવા સેક્રેટરી AMCની વેબસાઈટ પર “Parking Availability and Sharing Consent Form” ભરીને ઉપલબ્ધ પાર્કિંગનું રજીસ્ટ્રેશન કરી શકે છે.
ટીમ બિલ્ટ ઈન્ડિયા.
Top of Form
Bottom of Form
