20 જૂને, ગાહેડ હાઉસ-અમદાવાદ ખાતે કેન્દ્રીય ગૃહમંત્રી અમિત શાહ કરશે, અ.મ્યુ.કો. ગાર્ડન-પીપલ્સ પાર્કનું લોકાર્પણ
ક્રેડાઈ અમદાવાદ-ગાહેડ દ્વારા 20 જૂનના રોજ રથયાત્રાના પાવન દિવસે સવારે નવ કલાકે, અમદાવાદ મ્યુનિસિપલ કોર્પોરેશન ગાર્ડન – પીપલ્સ પાર્કનું લોકાર્પણ કેન્દ્રીય ગૃહ અને સહકાર મંત્રી અમિતભાઈ શાહના હસ્તે કરવામાં આવશે. આ પ્રસંગે, ગુજરાતના મુખ્યમંત્રી ભુપેન્દ્ર પટેલ પણ ઉપસ્થિત રહેશે. ઉપરાંત ક્રેડાઈ અમદાવાદ-ગાહેડના પ્રેસિડેન્ટ તેજસ જોશી, સેક્રેટરી વિરલ શાહ સહિત ગાહેડ-ક્રેડાઈના સિનિયર કમિટી સભ્યો જક્ષય શાહ, શેખર પટેલ, ચિત્રાક શાહ, આલાપ પટેલ સહિત મોટીસંખ્યામાં સભ્યો ઉપસ્થિત રહેશે.
નોંધનીય છે કે, ક્રેડાઈ અમદાવાદ ગાહેડ દ્વારા સામાજિક ઉત્થાનની પ્રવૃતિઓને વેગ આપવા અને નાગરિકોને પાયાની સુવિદ્યાઓ મળે તેવા હેતુસર, ક્રેડાઈ અમદાવાદ ગાહેડ સી.એસ.આર ફાઉન્ડેશનની રચના કરીને તેના હેતુઓના ભાગરુપે વિશાળ મ્યુનિસિપલ કોર્પોરેશન પ્લોટમાં અત્યાધુનિક ક્રેડાઈ ગાર્ડન તૈયાર કરેલ છે. જેનું લોકાર્પણ કેન્દ્રીય ગૃહ મંત્રી અમિતભાઈ શાહના હસ્તે થશે.
ટીમ બિલ્ટ ઈન્ડિયા
