રિયલ એસ્ટેટ-કન્સ્ટ્રક્શન ક્ષેત્રે લેબરની અછતની સમસ્યા દૂર કરશે રોબોટ

ચેન્નાઈ: Built India Media: રિયલ એસ્ટેટ ક્ષેત્રમાં વધતી મજૂરોની અછત અને ખર્ચાળ લેબરની સમસ્યાને પહોંચી વળવા શ્રીરામ પ્રોપર્ટીઝે રોબોટિક ટેક્નોલોજીનો ઉપયોગ શરૂ કર્યો છે. કંપની ઇમારતોને કલર કરવા જેવી કામગીરી રોબોટ્સને સોંપી રહી છે.

કંપની પાસે હાલમાં 41 પ્રોજેક્ટ્સની પાઇપલાઇન છે, જેમાં કુલ 3.4 કરોડ ચોરસ ફૂટ ડેવલપમેન્ટ એરિયા છે અને 1.6 કરોડ ચોરસ ફૂટ વિસ્તારમાં કામ ચાલી રહ્યું છે. કંપનીનું માનવું છે કે રોબોટિક્સથી કામની ઝડપ વધવાની સાથે ગુણવત્તામાં પણ સુધારો થશે.

કન્સ્ટ્રક્શન ક્ષેત્રમાં સ્ટીલ, સિમેન્ટ, લિફ્ટ, ટાઇલ્સ અને અન્ય સામગ્રીના ભાવમાં વધારો થયો છે. સાથે જ લેબરની અછતને કારણે ખર્ચ વધી રહ્યો હોવાથી કંપનીઓ રોબોટિક સોલ્યુશન્સ અપનાવીને ખર્ચ ઘટાડવા પર ભાર આપી રહી છે.

રિયલ એસ્ટેટમાં લેબરની અછતને પહોંચી વળવા રોબોટિક્સ સ્ટાર્ટઅપ્સ પણ સક્રિય થઈ રહ્યા છે. કંપનીના જણાવ્યા મુજબ, ટેક્નોલોજીના વધતા ઉપયોગથી લેબરની જરૂરિયાતમાં ઘટાડો અને બાંધકામના કામમાં વધુ કાર્યક્ષમતા આવી શકે છે.

ટીમ બિલ્ટ ઈન્ડિયા