અમદાવાદમાં ₹583.85 કરોડના વિકાસકાર્યોને વેગ, 24 સપ્ટેમ્બરે લોકાર્પણ અને ખાતમુહૂર્ત

અમદાવાદ: Built India Media: મુખ્યમંત્રી ભૂપેન્દ્ર પટેલ 24 સપ્ટેમ્બરે અમદાવાદમાં કુલ ₹583.85 કરોડના વિકાસકાર્યોનું લોકાર્પણ અને ખાતમુહૂર્ત કરશે. જેમાં ₹279.80 કરોડના પૂર્ણ થયેલા કામોનું લોકાર્પણ અને ₹304.05 કરોડના નવા પ્રોજેક્ટ્સનું ખાતમુહૂર્ત કરવામાં આવશે.

લોકાર્પણ થનારા મુખ્ય પ્રોજેક્ટ્સમાં ₹127.92 કરોડનો વાડજ જંક્શન ચાર-માર્ગીય ફ્લાયઓવર અને ₹98.60 કરોડનો LC-24 રેલવે ઓવરબ્રિજ સામેલ છે. આ ઉપરાંત થલતેજમાં PM આવાસ યોજના હેઠળ 328 EWS મકાનો માટે ₹22.24 કરોડ, AMC ફાયર વિભાગ માટે 55 First Response Vehicles માટે ₹19.74 કરોડ અને 10 રેસ્ક્યૂ બોટ માટે ₹3.40 કરોડના કામો પણ સામેલ છે.

નવા પ્રોજેક્ટ્સમાં રામાપીર ટેકરા વિસ્તારમાં ₹72.78 કરોડનો રોડ નેટવર્ક, દક્ષિણ ઝોનમાં 1,800 મિમી મુખ્ય ગટર લાઇનના પુનઃસ્થાપન માટે ₹65.51 કરોડ અને નવાપુરામાં નવા ડ્રેનેજ પમ્પિંગ સ્ટેશન માટે ₹61.81 કરોડનો સમાવેશ થાય છે.

આ ઉપરાંત નિકોલ-કઠવાડામાં ₹61.89 કરોડનું પાર્કિંગ અને ચાર્જિંગ સ્ટેશન, ગાંધીનગર સાઉથ વોર્ડમાં ઇલેક્ટ્રિક બસો માટે ₹28.08 કરોડનું બસ પાર્કિંગ-ચાર્જિંગ સ્ટેશન તથા જામાલપુરમાં સાબરમતીના પૂર્વ કાંઠે ₹13.98 કરોડના હેરિટેજ અને ટૂરિઝમ વિકાસકાર્યોનું ખાતમુહૂર્ત થશે.

ટીમ બિલ્ટ ઈન્ડિયા | સૌજન્ય: દેશગુજરાત