મકરબા ROBનું 24 સપ્ટેમ્બરે લોકાર્પણ, ₹98.60 કરોડના ખર્ચે તૈયાર

અમદાવાદ: Built India Media: મકરબા ખાતે ₹98.60 કરોડના ખર્ચે બનેલો ચાર-માર્ગીય રેલવે ઓવરબ્રિજ (ROB) 24 સપ્ટેમ્બરે મુખ્યમંત્રી ભૂપેન્દ્ર પટેલના હસ્તે લોકાર્પણ બાદ જનતા માટે ખુલ્લો મુકાશે.

અમદાવાદ-બોટાદ રેલવે લાઇન પર LC-24 ખાતે બનેલો 636.9 મીટર લાંબો ROB મકરબા, વેજલપુર, કોર્પોરેટ રોડ અને SG હાઇવેને જોડશે. 40 મીટર પહોળા રોડ પર બનેલા બ્રિજની કુલ પહોળાઈ 16.4 મીટર છે, જેમાં 15.5 મીટરની કેરેજવે ભારે ટ્રાફિક માટે બનાવવામાં આવી છે.

ROBથી આસપાસના આશરે 1 લાખ લોકોને લાભ થવાની અપેક્ષા છે. રેલવે ક્રોસિંગ વારંવાર બંધ થવાના કારણે થતી ટ્રાફિક સમસ્યા દૂર થશે અને વાહનચાલકોનો મુસાફરીનો સમય તથા ઇંધણનો વપરાશ ઘટશે.

બ્રિજનું બાંધકામ 30 સપ્ટેમ્બર 2022માં શરૂ થયું હતું અને નવેમ્બર 2024 સુધીમાં પૂર્ણ થવાનું હતું. જોકે, પ્રોજેક્ટમાં આશરે બે વર્ષનો વિલંબ થયો છે. હવે 24 સપ્ટેમ્બર 2026થી બ્રિજ જનતા માટે ખુલ્લો મુકાશે.

ટીમ બિલ્ટ ઈન્ડિયા | સૌજન્ય: દેશગુજરાત