સુભાષ બ્રિજના ₹241 કરોડના કોન્ટ્રાક્ટને લઈને AMC સામે વિરોધ

અમદાવાદ: સુભાષ બ્રિજના પ્રોજેક્ટને લઈને AMCની સામાન્ય સભામાં વિરોધ પક્ષે હોબાળો કર્યો હતો. કોંગ્રેસના કોર્પોરેટર શેહઝાદ ખાન પઠાણે આક્ષેપ કર્યો કે ₹241 કરોડનો કોન્ટ્રાક્ટ અગાઉ બ્લેકલિસ્ટ થયેલી કંપનીને આપવામાં આવ્યો અને અન્ય બિડને અવગણવામાં આવી.

જૂના બ્રિજના રિનોવેશનના બદલે તેને સંપૂર્ણ તોડી નવો બ્રિજ બનાવવાનો નિર્ણય લેવાતા પ્રોજેક્ટનો ખર્ચ ₹300 કરોડને પાર થવાની શક્યતા છે. 1973માં બનેલો સુભાષ બ્રિજ તિરાડો પડ્યા બાદ ડિસેમ્બર 2025માં ટ્રાફિક માટે બંધ કરાયો હતો.

હવે જૂના બ્રિજની જગ્યાએ નવો આઠ-લેન પોર્ટલ ફ્રેમ બ્રિજ બનાવવામાં આવી રહ્યો છે. પ્રોજેક્ટને 24 મહિનામાં પૂર્ણ કરવાનો લક્ષ્યાંક રાખવામાં આવ્યો છે.

ટીમ બિલ્ટ ઈન્ડિયા, સૌજન્ય- ટાઈમ્સ ઓફ ઈન્ડિયા.