અમદાવાદ-મુંબઈ રૂટ પર વંદે ભારત ફ્રેઇટ ટ્રેનનું 130 કિમી/કલાકની ઝડપે ટ્રાયલ
અમદાવાદ: Built India Media: અમદાવાદ-મુંબઈ રેલવે રૂટ પર વંદે ભારત ફ્રેઇટ EMUનું 130 કિમી/કલાકની મહત્તમ ઝડપે કન્ફર્મેટરી ટ્રાયલ હાથ ધરવામાં આવી રહ્યું છે. RDSO દ્વારા 12 અને 13 સપ્ટેમ્બરે અમદાવાદ-વડોદરા-મુંબઈ સેન્ટ્રલ સેક્શનમાં આ ટ્રાયલ કરવામાં આવી રહ્યો છે.
ટ્રાયલ દરમિયાન ટ્રેનને 50% પેલોડ અને 20.32 ટન એક્સલ લોડ સાથે દોડાવવામાં આવી રહી છે. તેનો હેતુ વ્યસ્ત અમદાવાદ-મુંબઈ કોરિડોર પર ઝડપી પાર્સલ અને માલ પરિવહન માટે ટ્રેનની કામગીરી ચકાસવાનો છે.
વંદે ભારત આધારિત આ 16 કોચની ફ્રેઇટ ટ્રેનમાં પાર્સલ લોડિંગ માટે ખાસ રોલર-ફ્લોર સિસ્ટમ, ઓટોમેટિક સ્લાઇડિંગ દરવાજા, તાપમાન નિયંત્રિત સુવિધા, CCTV અને ફાયર ડિટેક્શન સિસ્ટમ જેવી સુવિધાઓ છે.
ટ્રાયલથી ટ્રેનની ઝડપી અને કાર્યક્ષમ ફ્રેઇટ સર્વિસ માટેની યોગ્યતા અંગે વધુ ઓપરેશનલ ડેટા મળશે. અગાઉ વેસ્ટ સેન્ટ્રલ રેલવેના એક સેક્શનમાં આ ટ્રેન 145 કિમી/કલાકની ઝડપે પણ પરીક્ષણમાં દોડાવવામાં આવી હતી.
ટીમ બિલ્ટ ઈન્ડિયા | સૌજન્ય: દેશગુજરાત
