ધોલેરા સરનો વિકાસ ગુજરાત કરતાં પણ વધારે થશે- કેન્દ્રીય મંત્રી પીયૂષ ગોયલ

કેન્દ્રીય વાણિજ્ય અને ઉદ્યોગ પ્રધાન પીયૂષ ગોયલે શનિવારે જણાવ્યું હતું કે ધોલેરા સ્પેશિયલ ઇન્વેસ્ટમેન્ટ રિજન (SIR) વિશ્વનું શ્રેષ્ઠ ઉત્પાદન ઔદ્યોગિક ક્ષેત્ર બનશે. ગાંધીનગરમાં આયોજિત “રોકાણકારોની રાઉન્ડ ટેબલ કોન્ફરન્સ” દરમિયાન પીયૂષ ગોયલે આ વાત જણાવી હતી.

“જો હું ક્રિસ્ટલ-બોલ જોઉં છું, તો હું સ્પષ્ટપણે જોઈ શકું છું કે ધોલેરા વિશ્વના શ્રેષ્ઠ ઉત્પાદન ઔદ્યોગિક ઝોનમાંનું એક બની રહ્યું છે. મને વિશ્વાસ છે કે ધોલેરા ગુજરાત કરતાં વધુ ઝડપે વિકાસ કરશે,” વધુમાં ગોયલે જણાવ્યું હતું કે 2024 સુધીમાં ધોલેરા ખાતેનું ઈન્ટરનેશનલ એરપોર્ટ અને અમદાવાદથી ધોલેરાને જોડતો એક્સપ્રેસ વે કાર્યરત થઇ જશે.

ધોલેરા SIR એ 32 નોડ્સ અથવા પ્રોજેક્ટ્સમાંથી એક છે જેને ચાર તબક્કામાં 11 ઔદ્યોગિક કોરિડોર પર વિકસાવવાની દરખાસ્ત છે. પ્રોજેક્ટના તબક્કા-1માં, દિલ્હી-મુંબઈ ઇન્ડસ્ટ્રીયલ કોરિડોરમાં આઠ નોડનું આયોજન કરવામાં આવ્યું હતું અને ધોલેરા સૌથી મોટો નોડ છે.

પીયૂષ ગોયલે વધુમાં કહ્યું હતું કે, ગુજરાત સરકાર ટૂંક સમયમાં નવી ઔદ્યોગિક નીતિ લાવવાનું વિચારી રહી છે. ટૂંક સમયમાં મુખ્યમંત્રી રાજ્યને વધુ એક સરપ્રાઈઝ આપે તેવી અપેક્ષા છે.

ટીમ બિલ્ટ ઈન્ડિયા.