વડાપ્રધાન મોદી દશેરાના દિવસે, 1470 કરોડની બિલાસપુર એઈમ્સ હોસ્પિટલનું કરશે લોકાર્પણ

વડાપ્રધાન નરેન્દ્ર મોદી આવતીકાલે દશેરાના દિવસે, હિમાચલ પ્રદેશના બિલાસપુર ખાતે એઈમ્સ હોસ્પિટલનું લોકાર્પણ કરશે. 1470 કરોડના ખર્ચે નિર્માણ પામેલી અને 900 જેટલી ઓપીડી ધરાવતી મલ્ટી સ્પેશિયલ હોસ્પિટલનું સ્થાન દેશમાં હેલ્થ કેર ક્ષેત્રે મોખરાનું હશે. આ હોસ્પિટલમાં 18 સ્પેશિયલ અને 17 સુપર સ્પેશિયલ ડીપાર્ટમેન્ટનો સમાવેશ થાય છે.

વડાપ્રધાન મોદી હિલાચલ પ્રદેશની મુલાકાત દરમિયાન, કુલુમાં આયોજિત રાવણ દહન કાર્યક્રમમાં ઉપસ્થિત રહેશે. સાથે સાથે હિમાચલ પ્રદેશમાં 3650 કરોડ રુપિયાના વિકાસ કામોનું ખાતમૂર્હૂત પણ કરશે. જેમાં 1690 કરોડના ખર્ચે નિર્માણ પામનાર નેશનલ હાઈવે-105 પરનો 32 કિલોમીટરનો પિંજોરથી નાલાગઢ સુધીનો રોડ, બિલાસપુર મેડિકલ ડિવાસીસ પાર્કનો સમાવેશ થાય છે.

ટીમ બિલ્ટ ઈન્ડિયા.