ગેરરિતી કરનાર બિલ્ડરો ! રેરાનું કડક વલણ, રેરા નિયમોના ભંગ બદલ સુરતના એક બિલ્ડરને 3.5 કરોડનો દંડ
ગુજરાત રેરા ઓથોરિટીએ ગુજરાતમાં એક રિયલ એસ્ટેટ ડેવલપર્સ ગ્રુપને રેરાના નિયમોનું ઉલ્લંઘન કરવા બદલ રુપિયા 3.5 કરોડ રુપિયાનો દંડ વસૂલવવામાં આવ્યો છે. તાજેતરના અમલીકરણ અભિયાન અંતર્ગત, GujRERA એ આઠ સુઓ મોટો કેસોમાં આદેશો આપ્યા અને ₹95,000 થી લઈને ₹2 કરોડ સુધીના દંડ લગાવ્યા. તેમાં સૌથી કડક કાર્યવાહી સુરતના એક પ્રોમોટર સામે કરવામાં આવી છે, જેને ફરજિયાત ફંડ ડિપોઝિટ નિયમોના ભંગ બદલ ₹2 કરોડનો દંડ ફટકારવામાં આવ્યો છે.
ગુજરાત રિયલ એસ્ટેટ રેગ્યુલેટરી ઓથોરિટી (GujRERA)એ રિયલ એસ્ટેટ (રેગ્યુલેશન એન્ડ ડેવલપમેન્ટ) એક્ટ, 2016 હેઠળ ફરજિયાત બેંક એકાઉન્ટ સંબંધિત નિયમોના ઉલ્લંઘન બદલ ડેવલપર્સ પર કુલ અંદાજે ₹3.5 કરોડના દંડ ફટકાર્યા છે. ખાસ કરીને હોમબાયર્સના નાણાં નિર્ધારિત એકાઉન્ટમાં જમા ન કરનાર બિલ્ડર્સ સામે નિયમનકારી કાર્યવાહી વધુ કડક બનાવવામાં આવી છે.
આ પગલું એ સ્પષ્ટ સંકેત આપે છે કે રેગ્યુલેટર હવે પ્રોજેક્ટ ફંડ્સ પર દેખરેખ વધુ કડક બનાવી રહ્યું છે અને કાયદાકીય નિયમોથી ભટકનારાઓ સામે સખત કાર્યવાહી કરશે. અધિકારીઓએ જણાવ્યું કે GujRERA હવે બે પ્રકારના ઉલ્લંઘનો પર કાર્યવાહી કરી રહ્યું છે (1) હોમબાયર્સ પાસેથી મળેલી રકમનો નિર્ધારિત હિસ્સો RERA એકાઉન્ટમાં જમા ન કરવો અને (2) નિયમો મુજબની મર્યાદાથી વધુ રકમ ઉપાડવી.
RERA નિયમો મુજબ, દરેક નોંધાયેલ રિયલ એસ્ટેટ પ્રોજેક્ટ માટે અલગ નિર્ધારિત બેંક એકાઉન્ટ રાખવું ફરજિયાત છે. કુલ વસૂલાતમાંથી 70% રકમ આ એકાઉન્ટમાં જમા કરવી પડે છે અને તેનો ઉપયોગ માત્ર જમીન ખરીદી અને બાંધકામ ખર્ચ માટે જ થઈ શકે છે. આ એકાઉન્ટમાંથી રકમ ઉપાડવી હોય તો તે પ્રોજેક્ટના કામની પ્રગતિના પ્રમાણમાં જ શક્ય છે અને તે માટે એન્જિનિયર, આર્કિટેક્ટ અને ચાર્ટર્ડ એકાઉન્ટન્ટની સર્ટિફિકેશન જરૂરી છે.
અધિકારીઓએ જણાવ્યું કે તાજેતરના દંડ પ્રોમોટર્સ દ્વારા સબમિટ કરાયેલા નાણાકીય હિસાબોની તપાસ બાદ લાગુ કરવામાં આવ્યા છે. તેમાં ખાસ ધ્યાન રાખવામાં આવ્યું કે ખરીદદારો પાસેથી મળેલી રકમ નિર્ધારિત એકાઉન્ટ મારફતે જ પસાર થાય છે કે નહીં અને ઉપાડેલી રકમ બાંધકામની વાસ્તવિક પ્રગતિને અનુરૂપ છે કે નહીં.
તાજેતરના આદેશો દર્શાવે છે કે GujRERA તેની ચકાસણીની વ્યાપકતા વધારી રહ્યું છે અને આગામી મહિનાઓમાં વધુ કાર્યવાહી શક્ય છે. અનેક ડેવલપર્સના નાણાકીય રેકોર્ડ્સ પહેલેથી જ તપાસ હેઠળ છે, જેના કારણે ગેરરીતિઓ જણાય તો વધુ બિલ્ડર્સ સામે પગલાં લેવાઈ શકે છે.
ટીમ બિલ્ટ ઈન્ડિયા, સૌજન્ય- ટાઈમ્સ ઓફ ઈન્ડિયા.
