મુંબઈ-અમદાવાદ બુલેટ ટ્રેન: સુરત-બિલીમોરા સેક્શન 2027માં શરૂ થવાની શક્યતા

મુંબઈ: Built India Media:   ભારતની પ્રથમ બુલેટ ટ્રેન પ્રોજેક્ટમાં કામગીરી ઝડપથી આગળ વધી રહી છે. સુરત-બિલીમોરા વચ્ચેનો પ્રથમ સેક્શન 2027માં શરૂ કરવાનો લક્ષ્યાંક છે. રેલવે મંત્રી અશ્વિની વૈષ્ણવે જણાવ્યું કે પરીક્ષણ માટેની પ્રથમ બુલેટ ટ્રેનની કોચ પણ તૈયાર થઈ ગઈ છે.

વાપી-સુરત સેક્શનનું સિવિલ બાંધકામ ડિસેમ્બર 2026 સુધીમાં પૂર્ણ થવાની અપેક્ષા છે. 508 કિમીના મુંબઈ-અમદાવાદ હાઈ-સ્પીડ રેલ કોરિડોરમાં મુંબઈ, થાણે, વિરાર, બોઈસર, વાપી, બિલીમોરા, સુરત, ભરૂચ, વડોદરા, આણંદ, અમદાવાદ અને સાબરમતી સહિત 12 સ્ટેશન હશે.

પ્રથમ હાઈ-સ્પીડ રેલ સેવા ઓગસ્ટ 2027માં શરૂ થવાની અપેક્ષા છે. આ કોરિડોર મહારાષ્ટ્ર, ગુજરાત અને દાદરા-નગર હવેલીમાંથી પસાર થશે અને બંને શહેરો વચ્ચે મુસાફરીનો સમય ઘટાડવામાં મહત્વની ભૂમિકા ભજવશે.

ટીમ બિલ્ટ ઈન્ડિયા. સૌજન્ય- ટાઈમ્સ ઓફ ઈન્ડિયા.