સુરત: Built India Media: સુરતમાં બની રહેલો દેશનો પ્રથમ મલ્ટી-મોડલ ટ્રાન્સપોર્ટ હબ (MMTH) ડિસેમ્બર 2026 સુધીમાં તૈયાર થવાનો લક્ષ્યાંક છે. આ પ્રોજેક્ટમાં રેલવે, આંતરરાજ્ય બસ, મેટ્રો અને સિટી બસ સેવાને એક જ સ્થળે જોડવામાં આવશે.
MMTHને બુલેટ ટ્રેન અને એરપોર્ટ સાથે પણ સીધી કનેક્ટિવિટી મળશે. ₹878 કરોડના આ પ્રોજેક્ટની જાહેરાત 2016માં કરવામાં આવી હતી, પરંતુ વિવિધ કારણોસર કામ શરૂ થવામાં વિલંબ થયો હતો.
હાલ સુરત રેલવે સ્ટેશનની પૂર્વ બાજુ અને જૂના GSRTC બસ ડેપોની જગ્યાએ બસ ટર્મિનલના બાંધકામનું કામ આગળ વધી રહ્યું છે. પ્રોજેક્ટની બીજી ફેઝ આશરે ₹500 કરોડના ખર્ચે વિકસાવવામાં આવશે.
આ હબ શરૂ થયા બાદ મુસાફરોને વિવિધ પરિવહન સેવાઓ વચ્ચે સરળતાથી અવરજવર કરવાની સુવિધા મળશે.
ટીમ બિલ્ટ ઈન્ડિયા. સૌજન્ય- ટાઈમ્સ ઓફ ઈન્ડિયા.
