આજે વિધાનસભામાં વર્ષ 2026-27નું બજેટ રજૂ કરાશે, શહેરી, માળખાકીય અને કોમનવેલ્થ પર ભાર મુકાશે.  

ગુજરાત રાજ્યના નાણા મંત્રી કનુભાઈ દેસાઈ, આજે બપોરે 1 વાગે વિધાનસભા ગૃહમાં નાણાંકીય વર્ષ 2026-2027 નું બજેટ રજૂ કરશે. આ વખતનું બજેટ સામાન્ય જનના વિકાસ, ઈન્ફ્રાસ્ટ્રક્ચર અને રોજગારલક્ષી રહેશે તેવો અંદાજ લગાવવામાં આવી રહ્યો છે.

આ વખતનું બજેટ અંદાજે, 4 લાખ કરોડથી વધારે જાય તેવી સંભાવના સેવાઈ છે. જો કે, ગયા વર્ષે 3,70 લાખ કરોડનું હતું. આ વખતના બજેટમાં સેમિકન્ડક્ટરની ચિપથી માંડીને, કોમનવેલ્થ ગેમ્સ-2030ના માળખાકીય વિકાસને ધ્યાનમાં રાખીને રજૂ કરવામાં આવશે.

આ ઉપરાંત, શહેરી વિકાસ અને કનેક્ટવિટી આ બજેટનું મુખ્ય કેન્દ્ર બિન્દુ બની શકે છે. અમદાવાદ, સુરત, રાજકોટ, અને વડોદરા જેવા શહેરોમાં મેટ્રો રેલ, રોડ કનેક્ટવિટી અને માળખાકીય વિકાસ પર ધ્યાન આપવામાં આવશે.

ટીમ બિલ્ટ ઈન્ડિયા.