અદાણી ગ્રુપે ગિફ્ટ સિટીમાં શિપીંગ લિઝિંગ ફર્મ માટે 1689 કરોડનું રોકાણ કરવાનો પ્રસ્તાવ કર્યો રજૂ
અદાણી ગ્રુપ ગાંધીનગરમાં આવેલી ગિફ્ટ સિટીમાં શિપીંગ લિઝિંગ ફર્મ માટે રુ. 1689 કરોડ રુપિયાનું રોકાણ કરવા માટેનો પ્રસ્તાવ મૂક્યો છે. અદાણી ગ્રુપની અદાણી પોર્ટ્સ એન્ડ સ્પેશિયલ ઇકોનોમિક ઝોન લિમિટેડ (APSEZ) એ ગુજરાતમાં GIFT SEZમાં કામ કરવા માટે Poseidon Leasing IFSC Ltdની સ્થાપના કરી છે. અને એકમ સ્થાપવા માટે કંપનીએ IFSC પાસે સંપર્ક કર્યો છે.
સૂત્રોના જણાવ્યાનુસાર, આ કંપની શિપ લીઝ પર ધ્યાન કેન્દ્રિત કરશે, જેમાં ઓપરેટિંગ લીઝ અથવા જહાજોના નાણાકીય લીઝ, સમુદ્રમાં જતા જહાજો અને તેમના એન્જિન અથવા અન્ય ભાગોનો સમાવેશ થાય છે. પોસાઇડનની સ્થાપના APSEZ ની અન્ય પેટાકંપની, શાંતિ સાગર ઈન્ટરનેશનલ ડ્રેજિંગ લિમિટેડ (SSIDL) દ્વારા કરવામાં આવી છે. બાદમાં પોસેડોનમાં 100 ટકા હિસ્સો રાખશે. શેરબજારની અગાઉની સૂચના અનુસાર, કંપની પાસે ₹2.5 કરોડની અધિકૃત અને ચૂકવણી મૂડી હશે જે દરેક ₹10ના 25,00,000 ઇક્વિટી શેરમાં વિભાજિત થશે.
અદાણી ગ્રુપના દેશમાં આવેલા તેમના બંદરો અને ટર્મિનલ્સના નેટવર્કને સક્રિયપણે વિકસી રહ્યા છે. શિપ લીઝિંગ વેન્ચરથી દરિયાઈ ક્ષેત્રમાં અદાણી ગ્રુપની હાજરી વધુ મજબૂત થવાની સંભાવના છે.
ગિફ્ટ સિટી ખાતે શિપ લીઝિંગ એન્ટિટીની સ્થાપના ભારતીય કંપનીઓને વિદેશી ચલણમાં વ્યવહાર કરવાની મંજૂરી આપે છે. આનાથી ભારતીય કંપનીઓ, જેઓ નિયમો અને કરને કારણે વિદેશમાં સ્થળાંતર કરે છે, તેઓને ભારતમાં IFSCમાં પાછા આવવા માટે સક્ષમ બનાવે છે. વિશ્લેષકો માને છે કે શિપ લીઝિંગ વ્યવસાયો માટે ગિફ્ટ સિટીમાં એકમો સ્થાપવા એ સકારાત્મક પગલું છે.
ઉલ્લેખનીય છે કે, પહેલાં, ભારતમાં નિયમો અને ટેક્સ સ્પષ્ટતાના અભાવને કારણે ભારતીય કંપનીઓ શિપિંગ સાહસ બનાવવા માટે દુબઈ અને સિંગાપોર જતી રહેતી હતી.
ટીમ બિલ્ટ ઈન્ડિયા, સૌજન્ય-બિઝનેસલાઈન.
