ક્રેડાઈ અમદાવાદની માંગ, એર્ફોડેબલ હાઉસિંગ માટે સ્ટેમ્પ ડ્યૂટી ઘટાડીને 1% કરવી- 90 લાખ સુધીના ઘરોને એર્ફોડેબલ હાઉસિંગનો દરજ્જો આપો
અમદાવાદ કોમન વેલ્થ ગેમ્સ-2030નું યજમાન પદ શોભાવી રહ્યું છે, તેની સાથે જ આવનારો દસકો અમદાવાદનો છે એટલે કે, અમદાવાદમાં દેશ સહિત દુનિયાનું મૂડીરોકાણ થવા જઈ રહ્યું છે. ત્યારે સ્વાભાવિક છે કે, દરેક બિઝનેસમેન કે રિયલ એસ્ટેટ ડેવલપર્સની ઈચ્છા હોય કે, આ દસકામાં શ્રેષ્ઠ કામો કરીને, શ્રેષ્ઠ મકાનો નિર્માણ કરીને, દેશને વિકસિત ભારત બનાવવા માટે પ્રયાસ કરીએ.
તેવા ઉમદા વિચાર સાથે, CREDAI અમદાવાદે રાજ્ય સરકાર સમક્ષ માંગ કરી છે કે રાજ્ય સરકાર પોસાય તેવા ઘરો માટે સ્ટેમ્પ ડ્યુટી ઘટાડીને 1% કરે. તેમણે કેન્દ્ર સરકારને પણ વિનંતી કરી છે કે તેઓ 90 લાખ રૂપિયા સુધીના ઘરોને આ દરજ્જો આપીને પોસાય તેવા ઘરોની વ્યાખ્યામાં ફેરફાર કરે.
ઉલ્લેખનીય છે કે, CREDAI અમદાવાદ દ્વારા 9 થી 11 જાન્યુઆરી દરમિયાન યોજાનાર પ્રોપર્ટી શોની પ્રેસ કોન્ફરન્સમાં “અમદાવાદ આગામી દાયકા માટે એક મુખ્ય સ્થળ તરીકે ઉભરી રહ્યું છે, અને વધુ લોકોને અમદાવાદમાં તેમના સ્વપ્નનું ઘર ખરીદવા સક્ષમ બનાવવા માટે, પોસાય તેવા ઘરો માટે સ્ટેમ્પ ડ્યૂટી ઘટાડીને 1% કરવાની જરૂર છે,” CREDAI અમદાવાદના પ્રમુખ આલાપ પટેલે જણાવ્યું હતું.
વધુમાં તેમણે કહ્યું કે અમદાવાદ નજીકના 68 ગામોમાં વિકાસને મંજૂરી આપવાની જરૂર છે, કારણ કે જમીનની વધુ ઉપલબ્ધતા જમીનના ભાવ નિયંત્રણમાં રાખશે.
તો, CREDAI અમદાવાદના ચેરમેન રાજેશ વાસવાણીએ જણાવ્યું હતું કે, “૨૦૩૦ કોમનવેલ્થ ગેમ્સ માટે યજમાન શહેર તરીકે અમદાવાદની પસંદગી અને ૨૦૩૬ સમર ઓલિમ્પિક્સ માટે બોલી લગાવવાની તેની યોજનાઓ શહેરને વૈશ્વિક નકશા પર મજબૂત રીતે સ્થાપિત કરશે. આ વિકાસ મોટા પાયે માળખાગત નિર્માણને વેગ આપશે, નોંધપાત્ર રોકાણો આકર્ષશે અને રહેણાંક, વાણિજ્યિક અને અન્ય ક્ષેત્રોમાં મજબૂત માંગ પેદા કરશે તેવી અપેક્ષા છે.”
આ સાથે, CREDAI અમદાવાદના સેક્રેટરી અંકુર દેસાઈએ જણાવ્યું હતું કે, “પ્રીમિયમ FSI ને જંત્રી દરથી અલગ કરવાની જરૂર છે કારણ કે તે ખરીદદારોને સસ્તા ઘરો મળશે તેની ખાતરી કરશે.”
ટીમ બિલ્ટ ઈન્ડિયા.
