કેન્દ્રીય મંત્રી અમિત શાહે આજે અમદાવાદમાં વિકાસના કામોનું કરશે લોકાર્પણ
કેન્દ્રીય ગૃહ અને સહકાર મંત્રી અમિત શાહ આજે સ્ટેટ કેપિટલ ગાંધીનગર અને અમદાવાદમાં વિકાસના કામોનું લોકાર્પણ અને ખાતમુર્હૂત કરશે. અમિત શાહના કાર્યક્રમ મુજબ, અમદાવાદના ચાંદખેડા ખાતે 12:45 કલાકે જીએસઆરટીસીની નવીન 320 બસોનું લોકાર્પણ, ભાટમાં 1:15 કલાકે અમૂલ ડેરી ખાતે આધુનિક ઓર્ગેનિક ટેસ્ટિંગ લેબોરેટરીનું લોકાર્પણ, 2:30 કલાકે સમસ્ત મોદી સમાજના રાષ્ટ્રીય મહાસંમેલનના ઉદ્દઘાટનમાં હાજરી આપશે.
ત્યારબાદ સાંજે અમદાવાદ કોર્પોરેશન દ્વારા નિર્મિત પામેલા જિમ્નેશિયમ અને લાયબ્રેરી, છરોડી ખાતે આવેલા છારોડી તળાવ અને વિવિધ વિકાસ કામોનું લોકાર્પણ કરશે.
ઉલ્લેખનીય છે કે, કેન્દ્રીય ગૃહ અને સહકાર મંત્રી અમિત શાહ ગુજરાતના બે દિવસીય પ્રવાસે છે. શનિવારે દ્વારકામાં વિકાસના કામોનું લોકાર્પણ કર્યા હતા અને આજે રવિવારે અમદાવાદમાં વિકાસના કામોનું લોકાર્પણ કરશે.
ટીમ બિલ્ટ ઈન્ડિયા.
