અમેરિકન કંપની Micron Technology અમદાવાદ-સાણંદ વચ્ચે ખરીદશે જમીન,10 બિલિયન ડૉલરનું રોકાણ કરશે.

ગુજરાતમાં વેદાંતા ગ્રુપ અને તાઈવાનની ચિપમેકર ફોક્સવેન વચ્ચેના જોઈન્ટ વેન્ચરમાં 20 બિલિયન ડૉલરના રોકાણ કરવાના કટિબદ્ધતા બાદ, હવે ગુજરાતના અમદાવાદ-સાણંદ વચ્ચે અન્ય અમેરિકન કંપની પણ રોકાણ કરવા જઈ રહી છે. યુએસ સ્થિત ડેટા સ્ટોરેજ ડિવાઈસ ઉત્પાદક કંપની micron technology અમદાવાદ અને સાણંદ વચ્ચે ઓછામાં ઓછી ત્રણ લાખ ચોરસ મીટર જમીનની ફાળવણીને અંતિમ સ્વરૂપ આપવામાં આવી રહ્યું છે.

યુએસ સ્થિત ડેટા સ્ટોરેજ ડિવાઇસ ઉત્પાદક, માઇક્રોન ટેક્નોલોજી, રાજ્ય સરકાર સાથે અહીં રૂ. 75,000 કરોડ ($10 બિલિયન)નું રોકાણ કરવા માટે એડવાન્સ-લેવલ ચર્ચા કરી રહી છે, એમ રાજ્ય સરકારના ટોચના સૂત્રોએ જણાવ્યું હતું. સૂત્રોએ જણાવ્યું હતું કે તેની સત્તાવાર જાહેરાત થોડા અઠવાડિયામાં જ થશે. હાલ આ અંગે કંપનાના અધિકારીઓ અને રાજ્યના વિભાગો સાથે વાટાઘાટો ચાલી રહી છે. 

રાજ્ય સરકારના એક સૂત્રના જણાવ્યા અનુસાર. “કંપની ટૂંક સમયમાં ડેટા સ્ટોરેજ ઉપકરણો માટે ઉત્પાદન સુવિધા સ્થાપિત કરવાની જાહેરાત કરશે અહીં એસેમ્બલી, ટેસ્ટિંગ, માર્કિંગ અને પેકેજિંગ (ATMP) સાથે.” માઈક્રોન ટેક્નોલોજીએ તાજેતરમાં ન્યૂયોર્ક, યુએસમાં MegaFab સ્થાપવા માટે $100 બિલિયન મૂલ્યના રોકાણોની જાહેરાત કરી છે.

કંપનીની ટીમ છ મહિના પહેલા ગુજરાતની મુલાકાતે આવી હતી. તે સમયે, કંપનીએ તમિલનાડુને તેના આગામી પ્લાન્ટ માટે સંભવિત સાઇટ્સમાંની એક તરીકે શોર્ટલિસ્ટ કર્યું હતું. જેમાં કંપની ગુજરાતની ધરતી પસંદ કરી રહી છે. 

ઉલ્લેખનીય છે કે, જમીન પ્રાપ્તિ, મૂડી રોકાણ, સ્ટેમ્પ ડ્યૂટી પર વળતર, ફિક્સ્ડ વોટર ટેરિફ, તેમજ 10 વર્ષ માટે વીજળી ટેરિફ સબસિડી પર સબસિડી ઓફર કરતી સમર્પિત સેમિકન્ડક્ટર પોલિસીની જાહેરાત કરનાર ગુજરાત પ્રથમ રાજ્ય છે. આનાથી સેમિકન્ડક્ટર સેક્ટરના રોકાણકારો રાજ્યમાં આકર્ષાયા છે.

ગયા વર્ષે ઓગસ્ટમાં, વેદાંત-ફોક્સકોને ધોલેરા ખાતે દેશનું પ્રથમ સેમિકન્ડક્ટર ફેબ યુનિટ, ડિસ્પ્લે ફેબ યુનિટ અને સેમિકન્ડક્ટર એસેમ્બલી અને ટેસ્ટિંગ યુનિટ સ્થાપવા માટે રાજ્ય સાથે સમજૂતીના મેમોરેન્ડમ પર હસ્તાક્ષર કર્યા હતા, જેને સેમિકોન સિટી તરીકે જાહેર કરવામાં આવ્યું છે.

ટીમ બિલ્ટ ઈન્ડિયા ( સૌજન્ય- ટાઈમ્સ ઓફ ઈન્ડિયા)