મેઘમણી ગ્રુપે ગુજરાતમાં પવન-સૌર પ્રોજેક્ટ સ્થાપવા માટે ગ્રીન એનર્જીમાં કર્યો પ્રવેશ

મેઘમણી ફિનેકેમ લિમિટેડ ગુજરાતમાં પવન-સૌર હાઇબ્રિડ પાવર પ્રોજેક્ટ સ્થાપવા માટે રિન્યુ ગ્રીન એનર્જી સોલ્યુશન્સ સાથે કરાર કર્યા છે. આ સહયોગ એમએફએલના પુનઃપ્રાપ્ય ઉર્જા ક્ષેત્રમાં પ્રવેશને ચિહ્નિત કરે છે. અને ગ્રીન એનર્જીને પ્રોત્સાહન આપવા અને કાર્બન ફૂટપ્રિન્ટ ઘટાડવા પ્રત્યેની તેની અતૂટ પ્રતિબદ્ધતાને પ્રકાશિત કરે છે, એમ કંપનીના નિવેદનમાં જણાવાયું છે.

સ્પેશિયલ પર્પઝ વ્હીકલ (SPV) હેઠળ ગુજરાતમાં 18.34 મેગાવોટનો પવન-સૌર હાઇબ્રિડ પાવર પ્લાન્ટ સ્થાપવા માટે એનર્જી સબસ્ક્રિપ્શન એગ્રીમેન્ટ અને શેર સબસ્ક્રિપ્શન અને શેરહોલ્ડર એગ્રીમેન્ટ (SSSHA) રિન્યુ ગ્રીન સાથે અમલમાં મૂક્યા છે.

MFL રૂ. 20.54 કરોડના યોગદાન માટે SPVમાં 26 ટકા હિસ્સો ધરાવશે અને રિન્યુ ગ્રીન 74 ટકા હિસ્સા માટે રૂ. 58.46 કરોડનું યોગદાન આપશે.

આ હાઇબ્રિડ પાવર પ્લાન્ટ 2022-23ના ડિસેમ્બર ક્વાર્ટરમાં કાર્યરત થવાની ધારણા છે. કરારની શરતો અનુસાર, પ્લાન્ટમાંથી ઉત્પન્ન થતી વીજળી 25 વર્ષની મુદત માટે કેપ્ટિવ સ્ટેટસ હેઠળ MFLને વિશેષરૂપે સપ્લાય કરવામાં આવશે.

આ હાઇબ્રિડ પાવર પ્લાન્ટ MFLને તેના વર્તમાન તેમજ ભાવિ પ્રોજેક્ટ્સની ઉર્જા જરૂરિયાતને પહોંચી વળવામાં મદદ કરશે. આ પ્લાન્ટ દ્વારા વીજળીનો પ્રતિ યુનિટ ખર્ચ વીજળી ગ્રીડમાંથી મેળવેલી વીજ કરતાં ઓછો હશે.

મૌલિક પટેલ, ચેરમેન અને મેનેજિંગ ડિરેક્ટર – MFLએ જણાવ્યું હતું કે, “હાઇબ્રિડ પાવર પ્લાન્ટ અમને અમારી વધારાની વીજળીની માંગને પહોંચી વળવામાં મદદ કરશે અને ગ્રીન હાઇડ્રોજનનું ઉત્પાદન કરવાની મંજૂરી આપશે, જે ભારત સરકારની ગ્રીન એનર્જી અને ગ્રીન હાઇડ્રોજનની પહેલને ટેકો આપશે.”

ટીમ બિલ્ટ ઈન્ડિયા.