મુખ્યમંત્રી ભૂપેન્દ્ર પટેલે કર્યું ભારતમાલા પરિયોજનાનું પ્રત્યક્ષ નિરીક્ષણ

ભારત સરકારની ભારતમાલા પરિયોજના અંતર્ગત રાજસ્થાનના સાંચોરથી ગુજરાતના પાટણ જિલ્લાના સાંતલપૂર સુધીના 125 કિ.મી ના માર્ગને 6-લેન કરવાની કામગીરી થઈ રહી છે. મુખ્યમંત્રી શ્રી ભૂપેન્દ્ર પટેલે આજે બનાસકાંઠાના થરાદ જઈને આ કામગીરીનું પ્રત્યક્ષ નિરીક્ષણ કર્યું હતું અને અધિકારીઓ પાસેથી જરૂરી વિગતો મેળવી હતી.

ભારતમાલા પરિયોજના હેઠળ અમૃતસર-જામનગર વચ્ચે આશરે 1256 કિ.મી નો ઇકોનોમીક કોરિડોર નિર્માણ થવાનો છે. જેના એક મહત્વપૂર્ણ ભાગરૂપે આ સાંચોર-સાંતલપુર એક્સપ્રેસ હાઈવે ₹ 2030.44 કરોડના ખર્ચે વિકસાવવામાં આવી રહ્યો છે.

આ પ્રોજેક્ટ હેઠળ દેશના ઉત્તરીય પ્રદેશો અને પૂર્વીય પ્રદેશો વચ્ચે કનેક્ટીવીટી વધારવામાં આવશે. આ ઉપરાંત, ઉત્તરીય પ્રદેશોને ગુજરાતના જામનગર, કંડલા અને મૂંદ્રા જેવા પોર્ટ્સ પરથી વિવિધ ઉત્પાદનોની આયાત-નિકાસની વૈશ્વિક સુવિધા પણ મળશે.

ટીમ બિલ્ટ ઈન્ડિયા.