સોસાયટીઓ રીડેવલપમેન્ટમાં તેજી, હવે ડેવલપર્સ રિડેવલપમેન્ટ તરફ વળ્યા, 4 મહિનામાં 80 સોદા પર હસ્તાક્ષર
અમદાવાદ શહેરમાં નવા પ્રોજેકટસ્ ધીમા પડી ગયા, ત્યારે જૂની સોસાયટીઓને રિડેવલપમેન્ટ કરવામાં દિવસે દિવસે વધારો થઈ રહ્યો છે. અને રિયલ એસ્ટેટ ડેવલપર્સ વધુ રસ દાખવી રહ્યા છે. અમદાવાદમાં 2025 ના વર્ષમાં પહેલા ચાર મહિનામાં જ 75-80 રિડેવલપમેન્ટ પ્રોજેક્ટ માટેની ડીલ થઈ છે. કારણ કે બિલ્ડરો અને રહેવાસીઓ બંને નવી જગ્યાએ રહેવાના ફાયદાઓને સ્વીકારી રહ્યા છે. અને હાલ એક અંદાજ છે કે, 600 થી વધારે સોસાયટીઓ રિડેવલપમેન્ટ કરવા માટે ડેવલપર્સ અને સોસાયટીના રહીશો વચ્ચે વાટાઘાટા ચાલી રહ્યા છે. આ રીતે હાલ તો, રિડેવલપમેન્ટમાં તેજીની લહેર જોવા મળી રહી છે.
ડેવલપર્સ જણાવી રહ્યા છે કે 2025 ની શરૂઆતમાં જંત્રી દરમાં વધારો થવાના ભયને કારણે ઘણી સોસાયટીઓએ મંજૂરીઓ ઝડપી બનાવવા માટે દબાણ કરવામાં આવી રહ્યું છે. જો કે, તાજેતરના કોર્ટના ચુકાદાઓએ સંમતિ પ્રક્રિયાને સુવ્યવસ્થિત કરવામાં મદદ કરી છે -ખાસ કરીને એવા કિસ્સાઓમાં જ્યાં 75% સભ્યો તરફેણમાં છે, જેના કારણે કાનૂની અવરોધો ઓછા થયા છે. મોંઘી જમીન ખરીદી ટાળવાના ખર્ચ લાભે રોકડની તંગી ધરાવતા બિલ્ડરો માટે પુનર્વિકાસને પસંદગીનો માર્ગ બનાવ્યો છે.
અર્બન રિડેવલપમેન્ટ હાઉસિંગ સોસાયટી વેલ્ફેર એસોસિએશનના પ્રમુખ જીતેન્દ્ર શાહે જણાવ્યું છે કે, અમદાવાદમાં અત્યાર સુધીમાં 150 થી વધુ પુનઃવિકાસ પ્રોજેક્ટ્સ પૂર્ણ થયા છે, અને હાલ તેની સંખ્યા સતત વધી રહી છે. “આ વર્ષે, 75-80 સોસાયટીઓએ પહેલાથી જ સોદાઓને અંતિમ સ્વરૂપ આપી દીધું છે,” વધુમાં તેમણે કહ્યું છે કે, “લોકો હવે પુનર્વિકાસ મોડેલ પર વિશ્વાસ કરે છે કારણ કે તેમણે સફળ ઉદાહરણો જોયા છે.”
તો, અમદાવાદમાં છેલ્લા 8 વર્ષથી સફળતા પૂર્વક રિડેવલપમેન્ટ કરતાં સ્વરા ગ્રુપના સીએમડી કાર્તિક સોનીએ જણાવ્યું છે કે, તેમણે આ વર્ષે 8 રિડેવલપમેન્ટ માટે પ્રોજેક્ટની ડીન પૂર્ણ કર્યા છે. જો કે, તેઓ “અગાઉ, સોસાયટીના રહેવાસીઓ ખચકાટ અનુભવતા હતા. પરંતુ, હવે, તેઓ રિયલ એસ્ટેટ ડેવલપર્સ શું ઓફર કરી રહ્યા છે તે અંગે વધુ જાગૃત બન્યા છે અને શરતોનું વધુ સારી રીતે મૂલ્યાંકન કરી શકે છે. તે પ્રક્રિયાને ઝડપી બનાવી રહ્યું છે,” તેની કારણ કે, રિડેવલપમેન્ટને વેગ મળી રહ્યો છે.
એક રિયલ એસ્ટેટ સલાહકારે ધ્યાન દોર્યું છે કે માંગમાં ઘટાડો અને વધતા ખર્ચને કારણે, ડેવલપર્સ નવી જમીન સંપાદનમાં નાણાં ડૂબાડવાથી ડરી રહ્યા છે. “આવા ડેવલપર્સ માટે પુનર્વિકાસ એક સારો વિકલ્પ છે, અને તેથી, અમે પુનર્વિકાસના સોદાઓમાં વધારો થવાની અપેક્ષા રાખીએ છીએ.
ટીમ બિલ્ટ ઈન્ડિયા, સૌજન્ય-ટાઈમ્સ ઓફ ઈન્ડિયા.
