કેન્દ્રીય મંત્રીમંડળની બેઠકમાં દેશના ત્રણ રેલ્વે સ્ટેશનોને રીડેવલપમેન્ટની મંજૂરી, અમદાવાદ રેલ્વે સ્ટેશનની ડીઝાઈનમાં કરાઈ મોઢેરા સૂર્ય મંદિરની ઝાંખી

વડાપ્રધાન નરેન્દ્ર મોદીની અધ્યક્ષતામાં મળેલી કેન્દ્રીય મંત્રીમંડળની બેઠકમાં દેશના ત્રણ મહત્વના અને મોટા રેલ્વે સ્ટેશનોને અંદાજિત કુલ 10,000 કરોડ રુપિયાના રોકાણ સાથે પુનઃવિકાસ માટેની ભારતીય રેલવેની દરખાસ્તને મંજૂરી આપી છે.તેવું કેન્દ્રીય રેલ્વે મંત્રી અશ્વિની વૈષ્ણવે મીડીયાને જણાવ્યું હતું. જેમાં નવી દિલ્હી રેલ્વે સ્ટેશન, ગુજરાતના અમદાવાદ રેલ્વે સ્ટેશન અને મહારાષ્ટ્રનું છત્રપતિ શિવાજી મહારાજ ટર્મિનલ મુંબઈ રેલ્વે સ્ટેશનોને રીડેવલમેન્ટ કરવામાં આવશે. આ ત્રણેય રેલ્વે સ્ટેશનો કેવી બનશે તે અંગે ડીઝાઈન પણ જાહેર કરી દીધી છે.

રેલ્વે સ્ટેશન એ કોઈપણ શહેર માટે મહત્વપૂર્ણ અને કેન્દ્રીય સ્થળ છે. વડાપ્રધાન નરેન્દ્ર મોદીએ રેલવેના પરિવર્તનમાં સ્ટેશનોના વિકાસને મહત્વ આપ્યું છે. કેબિનેટના આજનો નિર્ણય સ્ટેશનના વિકાસને નવી દિશા આપે છે. 199 સ્ટેશનોના પુનઃવિકાસ પર કામ ચાલી રહ્યું છે. તેમાંથી 47 સ્ટેશનો માટે ટેન્ડર બહાર પાડવામાં આવ્યા છે. બાકીના માટે માસ્ટર પ્લાનિંગ અને ડિઝાઈન ચાલુ છે. 32 સ્ટેશનો માટે કામ ઝડપથી ચાલી રહ્યું છે. આજે કેબિનેટે રૂ. 10,000 કરોડ નવી દિલ્હી, છત્રપતિ શિવાજી મહારાજ ટર્મિનસ (CSMT), મુંબઈ અને અમદાવાદ રેલવે સ્ટેશન નામના 3 મોટા સ્ટેશનો માટે મંજૂર કર્યા છે.

નોંધનીય છે કે, આ ત્રણેય રેલ્વે સ્ટેશનોમાં પોત પોતાના રાજ્યોની સંસ્કૃતિની ઝાંખી દર્શવવાનો પ્રયાસ કરવામાં આવ્યો છે.  જેમ કે, ગુજરાતના અમદાવાદ રેલ્વે સ્ટેશનની ડીઝાઈનમાં અમદાવાદની જૂની ઓળખ, હેરિટેઝ સિટી સહિત મહેસાણાનું સૂર્ય મંદિરની ઝાંખી કરાવવામાં આવી છે.

રેલ્વે સ્ટેશનોની ડિઝાઈનની વિશિષ્ટતાઓ

1. દરેક સ્ટેશન પર એક જગ્યા પર તમામ મુસાફરોની સુવિધાઓ સાથે એક વિશાળ છત પ્લાઝા (36/72/108 મીટર) હશે અને રિટેલ, કાફેટેરિયા, મનોરંજન સુવિધાઓ માટે જગ્યાઓ પણ હશે.
2. રેલ્વે ટ્રેકની બંને બાજુએ સ્ટેશન બિલ્ડીંગ સાથે શહેરની બંને બાજુઓ સ્ટેશન સાથે જોડવામાં આવશે.
3. ફૂડ કોર્ટ, વેઇટિંગ લોન્જ, બાળકો માટે રમવાની જગ્યા, સ્થાનિક ઉત્પાદનો માટે જગ્યા વગેરે જેવી સુવિધાઓ ઉપલબ્ધ રહેશે.
4. શહેરની અંદર સ્થિત સ્ટેશનો પર સિટી સેન્ટર જેવી જગ્યા હશે.
5. સ્ટેશનોને આરામદાયક બનાવવા માટે, ત્યાં યોગ્ય રોશની, માર્ગ શોધવા/સંકેતો, એકોસ્ટિક્સ, લિફ્ટ્સ/એસ્કેલેટર/ટ્રાવેલેટર હશે.
6. પર્યાપ્ત પાર્કિંગની સુવિધા સાથે ટ્રાફિકની સુચારૂ હિલચાલ માટે માસ્ટર પ્લાન તૈયાર કરવામાં આવ્યો છે.
7. મેટ્રો, બસ વગેરે જેવા પરિવહનના અન્ય મોડ્સ સાથે એકીકરણ હશે.
8. ગ્રીન બિલ્ડીંગ ટેકનિકનો ઉપયોગ કરવામાં આવશે, જેમાં સૌર ઉર્જા, જળ સંરક્ષણ/રિસાયક્લિંગ અને સુધારેલ વૃક્ષ આવરણ છે.
9. દિવ્યાંગોને અનુકુળ સુવિધા પુરી પાડવા માટે ખાસ કાળજી રાખવામાં આવશે.
10. આ સ્ટેશનોને ઇન્ટેલિજન્ટ બિલ્ડિંગના કોન્સેપ્ટ પર ડેવલપ કરવામાં આવશે.
11. આગમન/પ્રસ્થાન, ક્લટર ફ્રી પ્લેટફોર્મ્સ, સુધારેલી સપાટીઓ, સંપૂર્ણ કવર્ડ પ્લેટફોર્મ્સનું અલગીકરણ હશે.
12. સીસીટીવી લગાવવા અને એક્સેસ કંટ્રોલ સાથે સ્ટેશનો સુરક્ષિત રહેશે.
13. આ આઇકોનિક સ્ટેશન બિલ્ડીંગ હશે.

ટીમ બિલ્ટ ઈન્ડિયા, સૌજન્ય- પીઆઈબી, ભારત સરકાર