વડાપ્રધાન મોદી 23 ફેબ્રુ.એ ગુજરાત મુલાકાતે, સાણંદમાં કરશે માઈક્રોન સેમિકન્ડક્ટર યુનિટનું ઉદ્ઘઘાટન
વડાપ્રધાન નરેન્દ્ર મોદી 23 ફેબ્રુઆરીના રોજ માદરે ગુજરાત મુલાકાતે આવશે તેવી સંભાવના છે. જે દરમિયાન તેઓ ઔદ્યોગિક શહેર સાણંદ જવાના છે, જ્યાં મેમરી ચિપ નિર્માતા દિગ્ગજ કંપની માઇક્રોન ટેકનોલોજીની નવી 2.75 અબજ ડોલરની સેમિકન્ડક્ટર મેન્યુફેક્ચરિંગ યુનિટનું ઉદ્ઘઘાટન કરાશે.
સાણંદ સ્થિત માઇક્રોન પ્લાન્ટમાં નાગરિક બાંધકામ પૂર્ણ થઈ ગયું છે અને હવે સાધનોની કૅલિબ્રેશનની અંતિમ પ્રક્રિયામાં પ્રવેશ કર્યો છે. આ ભારત સેમિકન્ડક્ટર મિશન અંતર્ગત પ્રાપ્ત થયેલા સૌથી પ્રારંભિક અને મહત્વપૂર્ણ પરિણામોમાંનું એક માનવામાં આવે છે.
93 એકર વિસ્તારમાં ફેલાયેલું આ પ્લાન્ટ વૈશ્વિક બજાર માટે DRAM અને NAND મેમરી ચિપ્સનું એસેમ્બલી, ટેસ્ટિંગ, માર્કિંગ અને પેકેજિંગ કરશે. તેમાં લગભગ 5 લાખ ચોરસ ફૂટનું ક્લીનરૂમ સ્પેસ છે.
ઉલ્લેખનીય છે કે, સપ્ટેમ્બર-2023માં ભૂમિપૂજન બાદ રેકોર્ડ સમયમાં પ્લાન્ટનું નિર્માણ પૂર્ણ કરવામાં આવ્યું હતું. મોડ્યુલર કન્સ્ટ્રક્શન પદ્ધતિ દ્વારા 700 ટનથી વધુ વજનના પૂર્વ-તૈયાર સ્ટ્રક્ચરલ યુનિટ્સનો ઉપયોગ કરવામાં આવ્યો હતો. ટીમ
ટીમ બિલ્ટ ઈન્ડિયા.
