આજે વડાપ્રધાન મોદી ગુજરાત મુલાકાતે, 12 વાગે અમદાવાદ,1 વાગે વાળીનાથ મહાદેવ મંદિરની કરશે પ્રાણપ્રતિષ્ઠા

આજે વડાપ્રધાન નરેન્દ્ર મોદી ગુજરાતના એક દિવસીય પ્રવાસે છે ત્યારબાદ, વારણસીની મુલાકાત લેશે. ત્યારે જાણીએ મોદી આજે ગુજરાતમાં કયા કયા સ્થળે મુલાકાત અને લોકાર્પણ-ખાતમુહૂર્ત કરવાના છે. મીડિયાના અહેવાલો મુજબ, આજે 12 વાગે અમદાવાદ ખાતે મોદી સ્ટેડિયમમાં અમૂલ કોપરેટિવ સ્વર્ણ જયંતી મહોત્સવમાં ભાગ લેશે. જ્યાં અંદાજે સવા લાખ ખેડૂતો ઉપસ્થિતિ રહેશે, આમ મોદી ગુજરાતમાં 2024ની લોકસભા ચૂંટણીનું બ્યૂગલ ફૂંકશે.

અંદાજે બપોરે 1 કલાકે મહેસાણાના વિસનગર તાલુકામાં આવેલા તરભના વાળીનાથ મહાદેવના મંદિરની પ્રાણ-પ્રતિષ્ઠા કરશે. આ ઉપરાંત, વડાપ્રધાન મોદી નવસારી અને કાકરાપારમાં 25 હજાર કરોડની પરિયોજનાઓનું ઉદ્ધાટન અને શિલાન્યાસ કરશે. અને મોડી સાંજે પોતાના સંસદીય ક્ષેત્ર વારાણસીનો પ્રવાસ કરશે જ્યાં તે ઘણા કાર્યક્રમોમાં ભાગ લેશે.

ટીમ બિલ્ટ ઈન્ડિયા.