આજે શિવનગરી કાશીમાં વડાપ્રધાન નરેન્દ્ર મોદી કરશે ઈન્ટરનેશનલ ક્રિકેટ સ્ટેડિયમનું ખાતમુર્હૂત
કરોડો હિન્દુઓના આસ્થાના કેન્દ્ર સમા બાબા વિશ્વનાથ મહાદેવની નગરી કાશીમાં ઈન્ટરનેશનલ ક્રિકેટ સ્ટેડિયમના નિર્માણનું ખાતમુર્હૂત આજે વડાપ્રધાન નરેન્દ્ર મોદી કરશે.
ભારતમાં 2036માં ઓલમ્પિક ગેમ્સનું આયોજન થવાની સંપૂર્ણ સંભાવના રહેલી છે જોકે, હજુ સુધી કોઈ સત્તાવાર જાહેરાત થઈ નથી. પરંતુ, હાલ ભારત જે વિશ્વમાં સન્માનિત થઈ રહ્યું છે. સાથે યજમાન બની રહ્યું છે તે જોતાં, એવું ચોક્કસપણે કહી શકાય કે, ઓલમ્પિક ગેમ્સ-2036ના યજમાન ભારત જ બનશે.
ઉલ્લેખનીય છે કે, ભારતે ઓલમ્પિક ગેમ્સને લઈ તૈયારીઓ હાથ ધરી દીધી છે. ગુજરાતના આર્થિકનગર અમદાવાદમાં ઓલમ્પિક ગેમ્સ માટે સ્પોર્ટસ્ કોમ્પ્લેક્ષ નિર્માણ થઈ રહ્યું છે. તે સાથે સાબરમતી રિવરફ્રન્ટ પર આવેલા કોટેશ્વર અને તેની આસપાસ પણ સ્પોર્ટસ્ સંકુલો નિર્માણ પામી રહ્યા છે. આ રીતે હાલ ગુજરાત તો ઓલમ્પિક ગેમ્સને લઈને આતુરતાપૂર્વક રાહ જોઈ રહ્યું છે.
ટીમ બિલ્ટ ઈન્ડિયા.
