અમદાવાદ કલેક્ટર સંદીપ સાંગલને AMC Commissioner નો વધારાનો ચાર્જ સોપાયો, ગાંધીનગર પૂર્વ કલેક્ટર સતીષ પટેલની ડેપ્યૂટી મ્યુનિ. કમિશનર તરીકે નિમણૂંક

અમદાવાદ મ્યુનિસિપલ કમિશનર લોચન સહેરા(IAS)ની સેન્ટ્રલ ડેપ્યુટેશન હેઠળ અમદાવાદ સ્થિત આવેલા ઈસરોના નવા યુનિટમાં બદલી કરવામાં આવી છે. આથી, હાલ અમદાવાદ મ્યુનિસિપલ કોર્પોરેશન કમિશનર રેગ્યુલર નિમણૂંક ના થાય ત્યાં સુધી એએમસી કમિશનર તરીકે અમદાવાદના કલેક્ટર સંદીપ સાંગલને વધારાનો ચાર્જ સોપાયો છે.

અને અમદાવાદ મ્યુનિસિપલ કોર્પોરેશનના ડેપ્યૂટી મ્યુનિ. કમિશનર તરીકે રિટાયર્ડ IAS સતીષ પટેલની નિમણૂંક કરવામાં આવી છે. અંદાજિત આવતા અઠવાડિયા સતીષ પટેલ અમદાવાદ મ્યુનિ. કોર્પોરેશનના ડેપ્યૂટી મ્યુનિ. કમિશનર તરીકેનો ચાર્જ સંભાળશે તેવી સૂત્રો દ્વારા માહિતી મળી છે.

નોંધનીય છે કે, ગુજરાત સરકારના 2005ની બેન્ચના નોમિનેટેડ IAS સતીષ પટેલ, ગાંધીનગર કલેક્ટર, જામનગર મ્યુનિસિપલ કોર્પોરેશન કમિશનર અને દાહોદ જિલ્લા ડીડીઓ જેવા ખૂબ મહત્વના ચાર્જ સંભાળી ચૂક્યા છે. અને તેઓ વહીવટી ક્ષેત્રે ખૂબ બ્હોળો અનુભવ ધરાવે છે.

ટીમ બિલ્ટ ઈન્ડિયા, સૌજન્ય- સંદેશ