AMCને ફાયર NOC વગરની 26 હાઈરાઈઝ બિલ્ડિંગને સીલ કરવાનો આદેશ, હાઈકોર્ટે આપ્યો બે અઠવાડિયાનો સમય
AMC ordered to seal 26 high-rise buildings without fire NOC, HC gives two weeks time
અમદાવાદઃ ફાયર NOC (Fire NOC) ન ધરાવતી શહેરની 26 હાઈરાઈઝ કોમર્શિયલ બિલ્ડીંગને સીલ કરવા સહિતના કડક પગલા લેવાનો આદેશ ગુજરાત હાઈકોર્ટે (Gujarat High Court) મંગળવારે અમદાવાદ મહાનગરપાલિકાને (Ahmedabad Municipal Corporation) આપ્યો હતો. હાઈકોર્ટે નગરપાલિકાને 1,128 રેસિડેન્શિયલ બિલ્ડિંગ અને અન્ય 259 હાઈરાઈઝ બિલ્ડિંગ, જેનો ઉપયોગ કોમર્શિયલ તેમજ રેસિડેન્શિયલ હેતુથી થઈ રહ્યો છે તેની સામે પણ કાર્યવાહી કરવાનો આદેશ આપ્યો હતો. ત્રણ કેટેગરીમાં આવતી બિલ્ડિંગો સામે મહાનગરપાલિકા કડક પગલા લેશે તેવી આશા સાથે હાઈકોર્ટે બે અઠવાડિયાનો સમય આપ્યો છે અને 30 જૂને રિપોર્ટ સાથે હાજર થવા જણાવ્યું છે.
આ દરમિયાન, હાઈકોર્ટે નગરપાલિકાઓની 2,160 બિલ્ડિંગોના રાજ્ય સરકારના સર્વેની નોંધ લીધી હતી, જેમાંથી 84.86% એટલે કે 1,833 બિલ્ડિંગો બીયુ પરમિશન વગર બિલ્ડિંગના નિયમોનું ઉલ્લંઘન કરતી હોવાનું જણાયું હતું. કોર્ટે સરકારને પાંચ અઠવાડિયામાં મુદ્દાનો ઉકેલ લાવવા કહ્યું હતું.
ચીફ જસ્ટિસ અરવિંદ કુમાર અને જસ્ટિસ આશુતોષ શાસ્ત્રીની ખંડપીઠે મહાનગરપાલિકાને 1,128 રેસિડેન્શિયલ બિલ્ડિંગ અને અન્ય 259 હાઈરાઈઝ બિલ્ડિંગ, જેનો ઉપયોગ કોમર્શિયલ તેમજ રેસિડેન્શિયલ હેતુથી થઈ રહ્યો છે તેની સામે પણ કાર્યવાહી કરવાનો આદેશ આપ્યો હતો.
AMCએ રજૂઆત કરી હતી કે, તેમની ગુનાહિત ફરિયાદો દાખલ કરવાથી સકારાત્મક પરિણામો મળ્યા છે અને ડિફોલ્ટરો દ્વારા ફાયર NOCને રિન્યૂ કરાવવા માટે ધસારો જોવા મળ્યો હતો.
પરંતુ કોર્ટે કહ્યું હતું કે ‘માત્ર ગુનાહિત ફરિયાદ અથવા જગ્યાને સીલ ન કરવા સિવાયની પ્રક્રિયા કરીને પગલાં લેવાથી તાત્કાલિક પરિણામો પ્રાપ્ત થશે નહીં’. કોર્ટે ઉમેર્યું હતું કે, ફાયર NOCન હોય તેવા કેસમાં AMC પાસે બિલ્ડિંગ સીલ કરવાની સત્તા છે.
કોર્ટે વધુમાં કહ્યું હતું કે ‘જ્યારે 26 કોમર્શિયલ બિલ્ડિંગ ફાયર NOC વગરની છે, ત્યારે તે યોગ્ય સમય છે કે AMC માત્ર ન તેમને ફાયર NOC મેળવવા માટે યોગ્ય કાર્યવાહી કરે પરંતુ આવી બિલ્ડિંગને સીલ પણ કરે’.
કોર્ટે કહ્યું હતું કે, આ કોઈ અનિચ્છનીય ઘટના ન બને અથવા રહેવાસીઓનો જીવ જોખમમાં ન મૂકાય તે માટે જરૂરી છે. ‘કોર્પોરેશન માટે આવી ઘટનાઓ બન્યા બાદ પસ્તાવો કરવાને બદલે આવી ઘટનાઓ બનતી રોકવા માટે સતર્ક રહે તે સૌથી યોગ્ય રહેશે’, તેમ કોર્ટે ફાયર સેફ્ટીના નિયમોનું ઉલ્લંઘન કરતી બિલ્ડિંગો સામે કાર્યવાહી કરવાનો આદેશ આપતાં કોર્ટે ઉમેર્યું હતું.
આ કેસમાં અરજદાર, વકીલ અમિત પંચાલે હાઈકોર્ટને ઝડપી કાર્યવાહી કરાવવા માટેની વિનંતી કરી હતી, કારણ કે આ મુદ્દો છેલ્લા 22 વર્ષથી અલગ-અલગ દાવાઓ સાથે કોર્ટમાં છે. ગુનાહિત ફરિયાદ અમુક ચોક્કસ સામે જ કરવામાં આવતી હોવાનો આક્ષેપ તેમણે લગાવ્યો હતો.
AMCએ હાઈકોર્ટને જાણ કરી હતી કે, 10,468 હાઈરાઈઝ અને કોમ્યુનિટી બિલ્ડિંગમાંથી 1,416 ફાયર NOC વગરની હતી. અત્યારસુધીમાં ડિફોલ્ડરો સામે 45 જેટલી ફરિયાદ નોંધવામાં આવી હતી અને હાઈકોર્ટને ચીફ મેટ્રોપોલિટન મેજિસ્ટ્રેટ (CMM) ને વધુ કોર્ટ નિયુક્ત કરવા નિર્દેશ આપવા વિનંતી કરી હતી જેથી AMC ફાયર NOC વિનાની ઇમારતો સામે ફરિયાદો નોંધાવી શકે.
જજે જણાવ્યું હતું કે, વધુ નિયુક્ત અદાલતો માટે AMCની વિનંતી પર તાત્કાલિક ધ્યાન આપવા માટે CMMને નિર્દેશ કરતી વખતે તેઓ જરૂરી સૂચનાઓ આપશે.
સરકારે તેવી પણ રજૂઆત કરી હતી કે, રાજ્યભરની 1,362 સરકારી શાળાઓમાંથી 14 ફાયર NOC વગરની હતી અને 78 સરકારી કોલેજોમાંથી 34 ફાયર સેફ્ટીનું પાલન કરતી નહોતી. બે મહિનામાં નિયમનું પાલન કરાવશે તેવી ખાતરી તેમણે હાઈકોર્ટને આપી હતી.
ચીફ જસ્ટિસે સૂચવ્યું હતું કે, ડિફોલ્ટર્સ પર અગાઉ જે દંડ લાદવામાં આવ્યો હતો તેના કરતાં 10 ગણો વધુ દંડ લાગુ કરી શકાય છે. ‘પરંતુ રાજ્યએ કંઈક સાથે આવવું પડશે’, તેમ તેમણે ભારપૂર્વક કહ્યું હતું.
અરજદારે ફરિયાદ કરી હતી કે, રાજ્ય સરકારે કોર્પોરેશન વિસ્તારમાં બિલ્ડિંગના નિયમોના ઉલ્લંઘન અંગેની માહિતી સર્વેમાં મૂકી નથી.
ટીમ બિલ્ટ ઈન્ડિયા, સૌજન્ય- આઈ એમ ગુજરાત.
7 Comments