અમદાવાદમાં ત્રિદિવસીય યોજાશે ગાહેડ પ્રોપર્ટી શો, 13 માર્ચે યોજાનાર અર્બન સમિટમાં મુખ્યમંત્રી ભુપેન્દ્ર પટેલ રહેશે ઉપસ્થિત.

આગામી 11,12 અને 13 માર્ચ-2022 ના રોજ અમદાવાદના ગણેશ ગ્રાઉન્ડ પર ગાહેડનો 16 મો પ્રોપર્ટી શોનું આયોજન થઈ રહ્યું છે. જેમાં અમદાવાદ શહેરના 60 જેટલા ડેવલપર્સ ભાગ લઈ રહ્યા છે. અમદાવાદ શહેર અને તેની આસપાસના વિસ્તારોમાં ડેવલપ થઈ રહેલા રેસિડેન્શિયલસ, કોમર્શિયલ, પ્લોટિંગ અને વીક એન્ડ  વિલા વગેરે જેવી 250 કરતાં વધુ પ્રોપર્ટીઝ ડીસ્પ્લે કરવામાં આવનાર છે. કોવિડને કારણે છેલ્લા બે વર્ષથી પ્રોપર્ટી શોનું આયોજન કરવું અગરુ હતું જેથી આ વર્ષે પ્રોપર્ટી શોમાં મોટીસંખ્યામાં મુલાકાતીઓ આવે તેવી સંભાવના સેવાઈ રહેલી છે તેવું ગાહેડ સંસ્થાએ મીડિયા સમક્ષ જણાવ્યું હતું.

નોંધનીય છે કે, પ્રોપર્ટી શો દરમિયાન 13 માર્ચના રોજ અર્બન સમિટનું આયોજન કર્યું છે જેમાં ગુજરાતના મુખ્યમંત્રી ભુપેન્દ્રભાઈ પટેલ મુખ્ય મહેમાન તરીકે ઉપસ્થિત રહેવાના છે. તેમજ ગુજરાતના મહેસૂલ મંત્રી અને શહેરી વિકાસ મંત્રી વિનોદ મોરડિયા હાજર રહેશે. તે ઉપરાંત, આ ત્રિદિવસીય પ્રોપર્ટી શોમાં કેટલાક સરકારી અધિકારીઓ ઉપસ્થિત રહેશે.

પ્રોપર્ટી શો સાથે સાથે તા. 12 માર્ચના રોજ બ્રોકર મીટ અને 13 માર્ચના રોજ ક્રેડાઈ અમદાવાદના સભ્યો માટે “આપના ટાઈમ આયેગા” નામનું ડ્રામાનું પણ આયોજન કર્યું છે. આ રીતે ત્રિદિવસીય પ્રોપર્ટી શો ખૂબ જ સફળ બનાવવા ગાહેડ ક્રેડાઈ સંસ્થાના તમામ હોદ્દેદારો અને સભ્યો તડામાર તૈયારીઓ કરી રહ્યા છે.

ટીમ બિલ્ટ ઈન્ડિયા.