ક્રેડાઈ અમદાવાદના એન્યૂઅલ ગેટ ટુ ગેધરમાં ભાજપા પ્રમુખ સી.આર. પાટીલ આપશે હાજરી

સેવી સ્વરાજ સ્પોર્ટસ ક્લબ ખાતે ક્રેડાઈ અમદાવાદ દ્વારા ક્રેડાઈ અને ગાહેડના સભ્યો માટે સ્પોર્ટસ કાર્નિવલ અને એન્યૂઅલ ગેટ ટુ ગેધરનું આયોજન કર્યું છે. જેનો શુભારંભ ક્રેડાઈ નેશનલ વાઈસ પ્રેસિડેન્ટ શેખરભાઈ પટેલ અને ક્રેડાઈ અમદાવાદ-ગાહેડના પ્રેસિડેન્ટ તેજશ જોશીના હસ્તે કરાયો હતો. આ પ્રસંગે, એસોચેમના વેર્સ્ટન કાઉન્સિલના ચેરમેન અને સેવી ગ્રુપના એમડી જક્ષય શાહ ઉપસ્થિત રહ્યા હતા. તેમજ સભ્યોના પરિવારજનો પણ ઉપસ્થિત રહીને ભાગ લીધો હતો.  આજે સેવી સ્વરાજ ક્લબ ખાતે એન્યૂઅલ ગેટ ટુ ગેધરના અંતર્ગત ગાલા ડીનરનું આયોજન કર્યું છે. જેમાં ગુજરાત ભાજપા પ્રદેશ પ્રમુખ સી.આર. પાટીલ,મહેસૂલ મંત્રી રાજેન્દ્ર ત્રિવેદી, આરોગ્ય મંત્રી ઋષિકેશ પટેલ, ગૃહરાજ્ય મંત્રી હર્ષ સંઘવી સહિત ગુજરાત રાજ્યના અન્ય અધિકારીઓ અને પદાધિકારીઓ ઉપસ્થિત રહેશે.

ટીમ બિલ્ટ ઈન્ડિયા.