દક્ષિણ ભારતના તિરુપતિ રેલ્વે સ્ટેશનને કરાશે વર્લ્ડ ક્લાસ રિ-ડેવલપ, 2023માં પૂર્ણ થશે કાર્ય

આપ જોઈ રહ્યા છો, તે ફોટા છે, તિરુપતિ રેલ્વે સ્ટેશનના વર્લ્ડ ક્લાસ રિ-ડેવલપમેન્ટના. ભારત સરકારની યોજના મુજબ, આવનારા સમયમાં દેશમાં અંદાજિત 100થી વધુ રેલ્વે સ્ટેશનોને રિ-ડેવલપ કરીને વર્લ્ડ ક્લાસ બનાવવાનું લક્ષ્ય છે. જે અંતર્ગત હાલમાં અનેક રેલ્વે સ્ટેશનો રિ-ડેવલપ થઈ રહ્યાં છે. દક્ષિણ ભારતનું પ્રખ્યાત યાત્રાધામ એવા તિરુપતિ મંદિર જ્યાં આવેલું છે તે તિરુપતિ રેલ્વે સ્ટેશનને રિ-ડેવલપ કરવામાં આવી રહ્યું છે.

ભારત સરકારના કેન્દ્રીય મંત્રી અશ્વિની વૈષ્ણવે આજે પોતાના ટ્વીટર પર તિરુપતિ રેલ્વે સ્ટેશનના રિ-ડેવલપના માસ્ટર પ્લાનના ફોટો શેર કર્યાં છે. જેમાં બતાવવામાં આવ્યું છે કે, તિરુપતિ રેલ્વે સ્ટેશનને વર્લ્ડ ક્લાસ સુવિદ્યાઓ આપવામાં આવશે. રેલ્વે મંત્રાલયના જણાવ્યાનુસાર આ રેલ્વે સ્ટેશનનું રિ-ડેવલપમેન્ટનું કાર્ય 2023માં પૂર્ણ કરી દેવામાં આવશે.

નોંધનીય છે કે, ધ તિરુપતિ રેલ્વે સ્ટેશન રિ-ડેવલપમેન્ટ પ્લાનનું સંચાલન રેલ્વે લેન્ડ ડેવલમેન્ટ ઓથોરિટી દ્વારા કરવામાં આવી રહ્યું છે. આ પ્રોજેક્ટ સરકારની બિનઉપયોગી જમીન પર નિર્માણ પામવા જઈ રહ્યો છે. આ પ્રોજેક્ટ પીપીપી મોડેલ આધારિત બનાવવામાં આવશે.

ટીમ બિલ્ટ ઈન્ડિયા.