ગુજરાતનું સાણંદ ફરી એકવાર વિશ્વભરમાં જગત વિખ્યાત થશે. કારણ કે, દેશનું ઓટો હબ સાણંદમાં હવે સ્પેસ મેન્યૂફેક્ચરીંગ હબ બનશે અને સ્પેસને લગતા તમામ સેટેલાઈટના સ્પેર પાર્ટસ્ સાણંદની ખોરજ GIDCમાં બનશે.તે માટે ગુજરાત સરકાર અને ઈન્ડિયન નેશનલ સ્પેસ પ્રોમોશન એન્ડ ઓથોરિટી સેન્ટર(IN SPACe.) વચ્ચે કરોડ રુપિયાના MoU સાઈન થયા છે.
ઈન સ્પેસ બોપલના જોઈન્ટ સેક્રેટરી લોચન સહેરાએ જણાવ્યું હતું કે,સાણંદમાં આવેલી ખોરજ જીઈડીસીમાં ફેજ-2 માં રાજ્ય સરકારે હાલ 100 એકર જમીનની ફાળવણી કરી છે. આ ઉપરાંત,વધુ 100 એકર જમીન પણ ફાળવવામાં આવશે. જીઆઈડીસીના અધિકારીઓએ જણાવ્યું હતું કે આ એમઓયુ આધુનિક યુગના સૌથી વધુ ઈચ્છિત ક્ષેત્રોમાંના એકમાં ગુજરાતમાં ઔદ્યોગિક વિકાસ માટે એક નવો માર્ગ ખોલશે.
ઔદ્યોગિક સૂત્રોએ એમ પણ જણાવ્યું હતું કે આ એક સિદ્ધિ ગણી શકાય કારણ કે ખોરજ એસ્ટેટ મહત્વાકાંક્ષી આકાંક્ષાઓ સાથે સક્રિય રીતે વિકસાવવામાં આવી છે, આંશિક રીતે સાણંદ GIDC વિસ્તારમાં વિવિધ ઉદ્યોગો દ્વારા વધી રહેલા રસને કારણે GIDC એ જાપાનીઝ કંપનીઓને આકર્ષવા પર ખાસ ધ્યાન કેન્દ્રિત કરીને અંદાજે 600 હેક્ટર જમીન અલગ રાખી છે. ખોરજ GIDC, જે નોંધપાત્ર 1,500 હેક્ટર જમીનમાં ફેલાયેલી છે, તે સાણંદ GIDC કરતાં મોટી છે.
ઉલ્લેખનીય છે કે, રાજ્ય સરકારના સૂત્રોએ માહિતી આપી હતી, કે IN-SPACE સ્ટાર્ટ અપ્સ અને સ્પેસ ટેક્નોલોજી સાધનોનું ઉત્પાદન કરતા એકમોને પ્રોત્સાહન અને તકનીકી માર્ગદર્શન આપશે. આ હેતુ માટે, IN-SPACe ખાતે ટેકનિકલ સપોર્ટ અને ઈક્યૂબેશન સેન્ટર પણ સ્થાવવામાં આવશે. રાજ્ય સરકાર પ્રોજેક્ટ માટે જરુરી જમીન અને માળખાકીય સુવિદ્યાઓ પૂરી પાડશે.
મુખ્યમંત્રી ભૂપેન્દ્ર પટેલે જણાવ્યું હતું કે ગુજરાત સરકાર 2035 સુધીમાં ભારતીય અવકાશ સ્ટેશનની સ્થાપના અને 2040 સુધીમાં ચંદ્ર મિશન શરૂ કરવાના વડાપ્રધાન નરેન્દ્ર મોદીના દૂરંદેશી લક્ષ્યોને સાકાર કરવા માટે ગુજરાત સરકાર સમર્પિત છે.
ટીમ બિલ્ટ ઈન્ડિયા.
