રિલાયન્સ ગ્રુપ સ્ટેચ્યૂ ઓફ યુનિટી નજીક બનાવશે હોટેલ અને રેસ્ટોરેન્ટસ્, પ્રવાસીઓ માટે આર્શીવાદરુપ

દેશના નામાંકિત રિલાયન્સ ગ્રુપ સ્ટેચ્યૂ ઓફ યુનિટી નજીક હોટેલ, રેસ્ટોરેન્ટસ્ અને પ્રવાસીઓ માટે સર્વિસ એપાર્ટમેન્ટ બનાવશે.રજિસ્ટ્રાર ઓફ કંપનીની માહિતી પ્રમાણે રિલાયન્સ ગ્રુપે, રિલાયન્સ Reliance SOU નામની નવી કંપની બનાવી છે. અને જે અંતર્ગત રિલાયન્સ ગ્રુપ નર્મદા જિલ્લામાં આવેલા વિશ્વભરમાં લોકપ્રિય સ્ટેચ્યૂ ઓફ યુનિટીની નજીક હોટેલ, રેસ્ટોરેન્ટ્સ અને સર્વિસ એપાર્ટમેન્ટ અને ટૂંકા ગાળા માટે લોજિંગ સગવડ નિર્માણ કરી રહ્યું છે. તેમાં હાઉસ બોટમાં રોકાણનો પણ સમાવેશ થાય છે. રિલાયન્સ ગ્રુપે હાલ અંદાજિત 25 કરોડ રુપિયાની શેર મૂડી સાથે આ કંપની ઊભી કરી છે.

ઉલ્લેખનીય છે કે, નર્મદા નદીના કિનારે અડીખમ અને અખંડિતાની મૂર્તિ સમા સરદાર પટેલની ગગનચૂંબી સ્ટેચ્યૂ ઓફ યુનિટી વિશ્વભરના લાખો પ્રવાસીઓ માટે આકર્ષણનું કેન્દ્ર બન્યું છે. જેના ભાગરુપે, ટાટા, રિલાયન્સ સહિત અનેક ગ્રુપ અહીં પોતાનું રોકાણ કરે છે.

ટીમ બિલ્ટ ઈન્ડિયા.