અમદાવાદ મુંબઈ બુલેટ ટ્રેન પ્રોજેક્ટને મહારાષ્ટ્રમાં વેગ મળશે, જાણો શું છે તૈયારી

મુંબઈથી અમદાવાદ બુલેટ ટ્રેનનું સપનું હવે ટૂંક સમયમાં પૂર્ણ થશે. મહારાષ્ટ્રમાં સરકાર બદલાતાની સાથે જ આ પ્રોજેક્ટને પાંખો મળી છે. મહારાષ્ટ્ર સરકારે મુંબઈથી અમદાવાદના માર્ગમાં આવતી જમીન સંપાદન કરવાના આદેશને મંજૂરી આપી દીધી છે. આ મામલો ગત સરકારમાં પેન્ડિંગ હતો. મુંબઈ-અમદાવાદ હાઈસ્પીડ રેલ કોરિડોર માટે મહારાષ્ટ્રમાં જમીન સંપાદનને રાજ્ય સરકારની મંજૂરી મળી રહી નહોતી. આ નવી સરકાર દ્વારા પૂર્ણ કરવામાં આવ્યું છે.મહારાષ્ટ્રની નવી સરકારે હાલમાં અમલીકરણ એજન્સી, નેશનલ હાઈ સ્પીડ રેલ કોર્પોરેશન લિમિટેડ સાથે શેરહોલ્ડર કરાર પર હસ્તાક્ષર કર્યા છે.

જમીન સંપાદન ગુજરાત, દાદર અને નગર હવેલીમાં કામગીરી કરવામાં આવી છે. આ સ્થળોએ લગભગ 1000 હેક્ટર જમીન સંપાદિત કરવામાં આવી છે. સરકારનું કહેવું છે કે, બુલેટ ટ્રેન પ્રોજેક્ટ માટે કુલ 1396 હેક્ટર જમીન સંપાદિત કરવાની છે જેમાંથી 1264 હેક્ટર જમીન સંપાદિત કરવામાં આવી છે. બાકીના મોટાભાગના મહારાષ્ટ્ર સાથે સંબંધિત છે. આ માટે કેન્દ્ર દ્વારા વન વિભાગ હસ્તકની જમીન પર કામ કરવા માટેની તમામ મંજૂરીઓ મળી ગઈ છે. વન વિભાગની જમીન સિવાય નેશનલ હાઈ સ્પીડ રેલ કોર્પોરેશન લિમિટેડ (NHSRCL) દ્વારા મહારાષ્ટ્રમાં 42 ટકા જમીન સંપાદિત કરવામાં આવી છે. આ જમીન લગભગ 182 હેક્ટર છે. આ મંજૂરી બાદ NHSRCLને હવે મહારાષ્ટ્રમાં લગભગ 278 હેક્ટર જમીન મળી ગઈ છે જે લગભગ 65 ટકા છે.

નેશનલ હાઈ સ્પીડ રેલ કોર્પોરેશન લિમિટેડ મહારાષ્ટ્રમાં 433.82 હેક્ટર જમીન સંપાદન કરવાની હતી. જેમાંથી અત્યાર સુધીમાં 80 ટકા જમીન સંપાદિત કરવામાં આવી છે. બાકીની જમીનમાં અનેક પ્રકારના અવરોધો હતા પરંતુ મહારાષ્ટ્રમાં સત્તા પરિવર્તન બાદ મુંબઈ-અમદાવાદ બુલેટ ટ્રેનનું કામ ઝડપથી કરવામાં આવ્યું છે. મહાવિકાસ આઘાડીની સરકાર વખતે જમીન સંપાદનનું કામ અટકી ગયું હતું. મુંબઈનું BKC બુલેટ ટ્રેન માટે ટર્મિનસ સ્ટેશન બનશે. 

બુલેટ ટ્રેન માટેનું ટર્મિનસ સ્ટેશન મુંબઈમાં BKC ખાતે બનવાનું છે. તેની 4 હેક્ટર જમીન બન્યા બાદ હવે સ્ટેશનની ડિઝાઈન અને નિર્માણ માટે દરખાસ્તો મંગાવવામાં આવી રહી છે. આ બુલેટ ટ્રેન કોરિડોરનું અંડરગ્રાઉન્ડ સ્ટેશન હશે. મહારાષ્ટ્ર સરકારના જણાવ્યા અનુસાર, BKC જમીન સપ્ટેમ્બરના અંત સુધીમાં NHSRCLને સોંપવામાં આવશે.

ટીમ બિલ્ટ ઈન્ડિયા, સૌજન્ય- ગુજરાત સમાચાર.