અમદાવાદમાં ત્રિ દિવસીય ગાહેડ પ્રોપર્ટી શોનો પ્રારંભ, મોટીસંખ્યામાં પ્રોપર્ટીવાંચ્છુકો લઈ રહ્યા છે મુલાકાત.

આજે અમદાવાદના એસ. જી. હાઈ વે પર આવેલા ગણેશ ગ્રાઉન્ડ પર ગાહેડના 16મો પ્રોપર્ટી શોનું ભવ્ય શુભારંભ થયો છે. દેશના જાણીતા ઉદ્યોગપતિ પંકજ પટેલના પુત્ર સર્વિલ પટેલના હસ્તે પ્રોપર્ટી શોને ખુલ્લો મૂકાયો હતો. તે એસોચેમ વેર્સ્ટન કાઉન્સિલના ચેરમેન અને સેવી સ્વરાજ ગ્રુપના એમડી એવા જક્ષય શાહ, ગણેશ હાઉસિંગ લિમિટેડના સીએમડી શેખર પટેલ, શિવાલિક ગ્રુપના એમડી ચિત્રક શાહ, કવિશા ગ્રુપના એમડી પાર્થ પટેલ સહિત તમામ ક્રેડાઈ અમદાવાદ અને ગાહેડના સભ્યો ઉપસ્થિત રહ્યા છે.

હાલ મોટીસંખ્યામાં પ્રોપર્ટીવાંચ્છુકો મુલાકાત લઈ રહ્યા છે.

ત્રણ દિવસ ચાલનાર ગાહેડના પ્રોપર્ટી શોમાં 60 ડેવલપર્સની 250 કરતાં પણ અલગ અલગ પ્રોપર્ટીને ડિસ્પ્લે કરવામાં આવી છે. આ ત્રણ દિવસના શો દરમિયાન રીયલ એસ્ટેટ બ્રોકર્સ મીટ અને અર્બન સમિટ જેવા બે મહત્વના કાર્યક્રમોનું આયોજન કર્યું છે.

તા. 13 માર્ચના રોજ અર્બન સમિટમાં ગુજરાતના લોકપ્રિય મુખ્યમંત્રી ભુપેન્દ્રભાઈ પટેલ, મહેસૂલ મંત્રી રાજેન્દ્ર ત્રિવેદી અને શહેરી વિકાસ મંત્રી વિનોદ મોરડિયા ઉપસ્થિત રહેશે.

ટીમ બિલ્ટ ઈન્ડિયા.