111 કિ.મી.ની રાજકોટ-કાનાલુસ રેલ્વે લાઈનને ડબલ લાઈન માટે કેન્દ્ર સરકારની લીલી ઝંડી, ગુજરાતના મુખ્યમંત્રી ભુપેન્દ્ર પટેલે વ્યક્ત કર્યો આભાર.

વડાપ્રધાન નરેન્દ્ર મોદીના નેતૃત્વ હેઠળ બુધવારે એક કેબિનેટ બેઠક યોજાઈ હતી. જેમાં રેલ મુસાફરોની સુવિદ્યાઓ અંગે ચર્ચા વિચારણા કરવામાં આવી હતી. જેમાં નીમચ-રતલામ અને રાજકોટ-કાનાલુસ રેલ લાઈનને ડબલલાઈન કરવાની મંજૂરી આપી હતી. આ ડબલ રેલ લાઈન થવાને કારણે, ગુજરાતના રાજકોટ સહિતના સૌરાષ્ટ્રના વિસ્તારોમાં રેલ મુસાફરોને મુસાફરી કરવામાં સરળતા રહેશે. અને તેઓનો આર્થિક અને સામાજિક વિકાસ થશે.

111 કિલોમીટરની લંબાઈ ધરાવતી રાજકોટ-કાનાલુસ વચ્ચેની રેલ્વે લાઈનને 1080 કરોડ રુપિયાને ખર્ચે ડબલલાઈન કરવામાં આવશે. અને ચાર વર્ષના સમયગાળામાં આ પ્રોજેક્ટ પૂર્ણ કરવામાં આવશે તેવો અંદાજ લગાવવામાં આવ્યો છે. વડાપ્રધાન નરેન્દ્ર મોદીએ રાજકોટ-કાનાલુસ રેલ લાઈનને ડબલ લાઈન કરવા માટે મંજૂરી આપવા બદલ ગુજરાતના મુખ્યમંત્રી ભુપેન્દ્ર પટેલે કેન્દ્ર સરકાર અને રેલ્વે મંત્રાલયનો આભાર વ્યક્ત કર્યો છે.

ટીમ બિલ્ટ ઈન્ડિયા, સૌજન્ય- ભારત સરકાર