અમદાવાદના નારણપુરામાં નિર્માંણ પામશે 19 એકરમાં ઈન્ટરનેશનલ સ્પોર્ટ્સ કોમ્પ્લેક્સ, જૂઓ કેવું હશે કોમ્પ્લેક્સ ?

ગુજરાતનું નામ હાલ વિશ્વ સ્તરીય ગાજી રહ્યું છે. કારણ કે, ગુજરાતમાં વિશ્વ સ્તરીય  અજાયબીઓ નિર્માંણ પામી રહી છે. અમદાવાદ શહેરને હવે સ્પોર્ટ્સ સિટી તરીકે પણ ઓળખવામાં આવે તો નવાઈ નહીં. વિશ્વનું સૌથી મોટું ક્રિકેટ સ્ટેડિયમ, રૂ.4600 કરોડના ખર્ચે 215 એકરમાં સરદાર પટેલ સ્પોર્ટ્સ એન્કલેવ બની રહ્યું છે. હવે નારણપુરા વિસ્તારમાં વરદાન ટાવર પાસે આવેલી 19 એકર જમીનમાં રૂ. 584 કરોડના ખર્ચે ઇન્ટરનેશનલ સ્પોર્ટ્સ કોમ્પ્લેક્સ બનાવવામાં આવશે સ્પોર્ટ્સ કોમ્પ્લેક્સ માટે કેન્દ્ર સરકાર દ્વારા ગ્રાન્ટ ફાળવવામાં આવશે, જેના માટે કેન્દ્ર સરકારના નાણાં વિભાગે પ્રાથમિક મંજૂરી આપી છે. કેન્દ્રથી ગુજરાત સરકારને ગ્રાન્ટ આપવામાં આવશે, જેને તેઓ મ્યુનિસિપલ કોર્પોરેશનને ફાળવશે. ગ્રાન્ટ આપતાં પહેલાં કોર્પોરેશન દ્વારા NOC, જમીનનું પઝેશન અને કન્સ્ટ્રક્શન કોન્ટ્રેક્ટરને આપેલા લેટર ઓફ વર્ક ઓર્ડર જમા કરાવવાનો રહેશે.

800 ટૂ–વ્હીલર અને 850 ફોર–વ્હીલર પાર્ક કરવાની વ્યવસ્થા હશે
આખા પ્રોજેકટને 6 ભાગમાં વહેંચવામાં આવ્યો છે. જેમાં એક્વાટિક કોમ્પ્લેક્સ, કોમ્પ્યુનિટી સ્પોર્ટ્સ સેન્ટર, સેન્ટર ફોર સ્પોર્ટ્સ એક્સેલન્સ, ઇન્ડોર મલ્ટી સ્પોર્ટ્સ એરેના, ફિટ ઇન્ડિયા ઝોન અને આઉટડોર સ્પોર્ટ્સનો સમાવેશ કરવામાં આવ્યો છે. સ્પોર્ટ્સ કોમ્પ્લેક્ષમાં 800 ટૂ-વ્હીલર અને 850 ફોર-વ્હીલર પાર્ક કરવાની વ્યવસ્થા પણ કરવામાં આવશે. ખેલાડીઓ અને પ્રેક્ષકોને ટ્રાન્સપોર્ટેશનની સરળ વ્યવસ્થા રહે તેના માટે શહેરની વચ્ચે આ સ્પોર્ટ્સ કોમ્પ્લેક્સ બનશે.

સ્પોર્ટ્સ કોમ્પ્લેક્સમાં શું–શું હશે?
1) એક્વાટિક કોમ્પ્લેક્સ
– સ્વિમિંગ પુલની સાઈઝ FINA એપ્રૂવલ
– ડાઇવિંગ પૂલ, આર્ટિસ્ટિક અને વોટર પોલોનો સમાવેશ
– 1500 પ્રેક્ષકોની ગેલરી

2) સેન્ટર ફોર સ્પોર્ટ્સ કોમ્પ્લેક્સ
– 2 હોલ ( 42 મી × 24 મી) જેમાં 2 બાસ્કેટ બોલ, 2 વોલીબોલ અને 8 બેડમિન્ટન કોર્ટ (ઇન્ટરનેશનલ)
– 4 ટેકવાન્ડો કોર્ટ, 4 કબડ્ડી કોર્ટ
– 4 રેસલિંગ અને 12 ટેબલ ટેનિસ મેચ રમાશે
– ખેલાડીઓ માટે લોન્જમાં 1 સ્પોર્ટ્સ સાયન્સ અને ફિટનેસ સેન્ટર
– ચેન્જ રૂમ અને લોકર ઈકવિપમેન્ટ સ્ટોર
– મેડિકલ સર્વિસ સ્ટેશન
– ઓડિયો-વીડિયો ફેસિલિટી સાથે ટ્રેનિંગ રૂમ
– કોચ માટે 8 ડબલ રૂમ
-ખેલાડીઓ માટે 89 ટ્રિપલ બેડરૂમ
– 150 કોર્પોરેટ લોકો બેસી શકે તેવો ડાઇનિંગ હોલ

3) ઇન્ડોર મલ્ટી સ્પોર્ટ્સ અરેના
– 80 મીટર × 40 મીટરનો હોલ (એક સમયે એક રમત)
– 16 બેડમિન્ટન કોર્ટ, 4 બાસ્કેટ બોલ કોર્ટ
– 4 વોલીબોલ કોર્ટ, 4 જિમનેસ્ટિક મેટ
– ટેકવાન્ડો કુસ્તી અને ટેબલ ટેનિસ માટે મલ્ટી પર્પઝ હોલ
– વોર્મ અપ એરિયા
– ખેલાડીઓ, કોચ, રેફરી અને વીઆઇપી માટે લોન્જ
– સ્પોર્ટ્સ ફેડરેશન રૂમ, સેન્ટ્રલ એડમીન ઓફિસ
– ડોપિંગ એરિયા, મીડિયા રૂમ, કોલ રૂમ
– ઓપરેશન સુવિધા

4) ફિટ ઈન્ડિયા ઝોન
– સિનિયર સિટિઝન માટે સીટિંગ એરિયા
– સ્કેટિંગ રિંગ
– કબડ્ડી , ખો-ખો ગ્રાઉન્ડ, ચિલ્ડ્રન ઝોન
– જોગિંગ ટ્રેક

5) આઉટ ડોર સ્પોર્ટ્સ
– 6 ટેનિસ કોર્ટ
– 1 બાસ્કેટ બોલ અને વોલીબોલ કોર્ટ ટીમ બિલ્ટ ઈન્ડિયા, સૌજન્ય- દિવ્ય ભા