સુરત-અબ્રામા-વાલકને જોડતા ફ્લાય ઓવર માટે સરકારે રુ.100 કરોડ કર્યાં મંજૂર

સુરત શહેરમાં ટ્રાફિકનું ભારણ ઓછું કરવાના ઉદેશ સાથે સુરત મહાપાલિકા વિસ્તારમાં આઉટર રીંગ રોડ અંતર્ગત તાપી નદી પર, અબ્રામા-વાલકને જોડતા ફલાય ઓવરના નિર્માંણ માટે મુખ્યમંત્રી વિજય રુપાણીએ રુપિયા 100 કરોડ મંજૂર કર્યો છે.

આ બ્રીજના નિર્માંણથી સુરત મહાનગરપાલિકા હદ વિસ્તારમાં પૂર્વ તરફ અને ઉત્તર તરફના વિસ્તારને એક મહત્વની ક્નેકટીવીટીના પ્રાપ્ત થશે અને શહેરના વિસ્તારમાં ટ્રાફિકનું ભારણ પણ ઓછું થશે. તેમજ મુંબઈ તરફથી નેશનલ હાઈવે-પલસાણા બાજુથી આવતા વાહનો સુરત શહેરમાં પ્રવેશ્યા સિવાય વરિયાવ-ગોથાણ-સાયણ તરફ જઈ શકશે.

નોંધનીય છેકે, કુલ 66.77 કિલોમીટર લંબાઈ અને 90 મીટરની પહોળાઈ આઉટર રીંગ રોડ બનાવવાનું આયોજન છે.

ટીમ બિલ્ટ ઈન્ડિયા.

સૌજન્ય- સીએમઓ ગુજરાત