200 કરોડમાં વેચાશે અમદાવાદના 132 ફૂટ રીંગ રોડને અડીને આવેલો કેશવબાગ પાર્ટી પ્લોટ- સૂત્રો

ટીમ બિલ્ટ ઈન્ડિયા, સૌજન્ય- ટાઈમ્સ ઓફ ઈન્ડિયા.

અમદાવાદના પોશ વિસ્તાર બોડકદેવમાં આવેલા 132 ફૂટ રીંગ રોડ નજીક આવેલા જાણીતા કેશવબાગ પાર્ટી પ્લોટ વેચવાની કાર્યવાહી શરુ કરી દેવાઈ છે. સૂત્રોના જણાવ્યાનુસાર, પ્લોટ લગભગ 7,400 ચોરસ યાર્ડનો છે અને અંદાજિત 200 કરોડમાં આ ડીલ થાય તેવી સંભાવના રહેલી છે. અમદાવાદના આર્યન ઇન્ફ્રાબિલ્ડ પ્રાઇવેટ લિમિટેડે પ્લોટના માલિકો સાથેના સોદાને આખરી ઓપ આપ્યો છે અને તે ટૂંક સમયમાં પ્લોટ પર પ્રોજેક્ટ શરૂ કરશે.

કેશવબાગ પાર્ટી પ્લોટ શહેરમાં બે દાયકા કરતાં વધુ સમયથી લેન્ડમાર્ક છે અને તાજેતરના વર્ષોમાં આ વિસ્તારનો ઝડપી વિકાસ જોવા મળ્યો છે, જેમાં અગ્રણી હોસ્પિટાલિટી ચેઇન દ્વારા હોટેલનો સમાવેશ થાય છે. આર્યન ગ્રૂપ સાથે નજીકથી સંકળાયેલા એક સૂત્રએ આ સોદાની પુષ્ટિ કરી હતી અને જણાવ્યું હતું કે આ જમીન પર લગભગ 5 લાખ ચોરસ ફૂટના બિલ્ટ-અપ એરિયા સાથે કોમર્શિયલ બિલ્ડિંગ બનાવવામાં આવશે. “ખરીદનાર ઊંચી ઈમારત તરફ ધ્યાન આપતો નથી, પરંતુ પ્રીમિયમ ઓફિસ અને રિટેલ સ્પેસની માંગ વધી રહી છે અને લોકેશન સારી કનેક્ટિવિટી ધરાવે છે, તેથી હાઈ-એન્ડ રિટેલ અને ઓફિસ સ્પેસ સાથેનો એક અનોખો 14 માળનો કોમર્શિયલ પ્રોજેક્ટ વિકસાવશે,” તેમણે જણાવ્યું હતું.

CREDAI અમદાવાદના પ્રમુખ તેજસ જોશીએ જણાવ્યું હતું કે, “અમદાવાદ સૌથી ઝડપથી વિકસતા મેટ્રો શહેરોમાંનું એક છે પરંતુ દેશના અન્ય મેટ્રો શહેરોની સરખામણીમાં કિંમતો હજુ પણ ઓછી છે. અમે છેલ્લા એક વર્ષમાં કેટલાક રેકોર્ડ સોદા જોયા છે અને પ્રીમિયમ સ્થાનોની વધતી માંગ સાથે, અમે અપેક્ષા રાખીએ છીએ કે આ વલણ ચાલુ રહેશે. મેટ્રો ટ્રેન અને એસજી હાઇવે કનેક્ટિવિટી સાથે પ્રોપર્ટીની માંગ સતત વધી રહી છે. નોંધનીય છેકે, થોડાક મહિનાઓ પહેલાં વૈષ્ણોદેવી સર્કલ નજીક પણ 135 કરોડ રુપિયાનો લેન્ડ વેચાઈ હતી.

ટીમ બિલ્ટ ઈન્ડિયા, સૌજન્ય- ટાઈમ્સ ઓફ ઈન્ડિયા.