સમગ્ર દેશમાં સુરત કુલ વીજ વપરાશમાં સૌથી વધુ રિન્યુએબલ વીજળીનો ઉપયોગ કરવામાં પ્રથમ હોવાનો પાલિકાએ દાવો કર્યો છે. તાજેતરમાં જ કેન્દ્ર સરકારે ‘નેશનલ સોલાર મિશન’ અંતર્ગત વર્ષ 2021-22 સુધીમાં દેશમાં કુલ 1 લાખ મેગાવોટ ક્ષમતાના સોલાર પ્લાન્ટસ સ્થાપિત કરવાનો લક્ષ્યાંક હતો. સુરતમાં ફેબ્રુઆરી સુધીમાં કુલ 42,000થી વધુ મકાનોની છત પર 205 મેગાવોટ ક્ષમતાના રૂફટોપ સોલાર પેનલ્સ લાગી ગઈ છે. જેના થકી વર્ષે 29 કરોડ યુનિટનું ઉત્પાદન એકમાત્ર સુરત શહેરમાં થઈ રહ્યું છે.
2016-17ના સર્વે મુજબ સુરતમાં 418 મેગાવોટની ક્ષમતાના સોલાર પાવર પ્લાન્ટ ઊભાં કરવાનો લક્ષ્યાંક હતો. જેમાં 49 ટકા સિદ્ધિ હાંસલ કરી લીધી હોવાનું પાલિકાએ જણાવ્યું હતું. પાલિકાએ પ્રથમ વર્ષ 2012-13 અને પછી વર્ષ 2016-17માં સર્વે કર્યો હતો. સોલાર રૂફટોપ પ્લાન્ટના ઈન્સ્ટોલેશન પાછળ સબસીડીની સાથે પાલિકાએ પણ પ્રોપર્ટી ટેક્સમાં વિશેષ રાહત આપી હોવાથી માંડ 6 વર્ષમાં જ શહેરમાં લોકોમાં ઉત્સાહ જોવા મળ્યો છે.
પાલિકાએ નક્કી કરેલા ટાર્ગેટ સામે આ ઉત્સાહે હાલમાં સ્થાપિત સોલાર પ્લાન્ટની ક્ષમતાની સામે 49% જેટલા લક્ષ્યાંકને હાંસલ કરી લેવાયો છે. કુલ 205 મેગાવોટ ક્ષમતાના સોલાર પાવર પ્લાન્ટ્સ થકી શહેરમાં વાર્ષિક 29 કરોડ વીજ યુનિટનું ઉત્પાદન સોલાર એનર્જી થકી જ થઇ રહ્યું છે.
ટીમ બિલ્ટ ઇન્ડિયા, સૌજન્ય:- દિવ્ય ભાસ્કર.
17 Comments